Biyo Guure News

Faalo
Siciid Sheekeyaw dacawo meeshay macal uga bartay ayay macaluul ugu bakhtidaa”Cadaawe Cali Faarax London Uk
Siciid Sheekeyaw dacawo meeshay macal uga bartay ayay macaluul ugu bakhtidaa”Cadaawe Cali Faarax London Uk
13 hours ago

Markii aan akhriyay qoraalka  uu soo malmaluuqay ninka sheegtay Suxufiga ee Siciid Sheekeeye ayaan aad iyo aad uqoslay sababtoo ah Siciid Sheekeeye Lama Gudboonayn in isaga oo kale oo la ogaa musuqmaasuqii iyo gacan qabashadii uu kaga taajiray dawlada Axmed Siilanyo inuu cid kale oo Madaxweyne Muuse Biixi ugu horeeyo […]

  • Siciid Sheekeyaw dacawo meeshay macal uga bartay ayay macaluul ugu bakhtidaa”Cadaawe Cali Faarax London Uk
    Siciid Sheekeyaw dacawo meeshay macal uga bartay ayay macaluul ugu bakhtidaa”Cadaawe Cali Faarax London Uk
    Siciid Sheekeyaw dacawo meeshay macal uga bartay ayay macaluul ugu bakhtidaa”Cadaawe Cali Faarax London Uk
    Markii aan akhriyay qoraalka  uu soo malmaluuqay ninka sheegtay Suxufiga ee Siciid Sheekeeye ayaan aad iyo aad uqoslay sababtoo ah Siciid Sheekeeye Lama Gudboonayn in isaga oo kale oo la ogaa musuqmaasuqii iyo gacan qabashadii uu kaga taajiray dawlada Axmed Siilanyo inuu cid kale oo Madaxweyne Muuse Biixi ugu horeeyo uu maanta dhaliilo.

     

    Siciid Sheekeye waxa ku qoran qoraalkiisa uu kusoo gabagabeeyay isagoo leh”Ilaahayaw caadifaad qabiil naga ilaali, Ilaahayaw dawladnimo dhaba nasii.markuu sidaa leeyahay wuxuu ku dhaliilayaa oo eedo aanu shuqul kulahayn dusha usaarayaa Xukumada Maanta ee Madaxweyne Muuse Biixi isagoo ku eedeynaya in Muuse Biixi Degmada Gabiley uu kadhigay Darajada A halkana Degmada Caynabana uu C Ka Dhigay.

    Taasi oo aanay waxba ka jirin ee Xukumadihii hore ee soo maray dalka ay hirgaliyeen,

    Laakiin xeerkan ismaamulka Gobolada iyo Degmooyinka ee Ansixiyeen baarlamaanki axadii uu ka dhigayo mid Xukumadu leedahay.

    Siciid Sheekeye maadigaa maanta cid dhaliil ujeedin kara iyadoo la ogyahay inuu muqaawil bilaa itaxaana seedigaa Xuseen Waji Xun iyo wiilkaad abtiga utahay ee Morgan ay kugu siiyeen mashaariic aad ka tanaaday intii ay jirtay Xukumadii Axmed Siilanyo. Waa Nasiib daro inaad banka isaa soo dhigtay halkaad ka dhuuman lahayd ee isqarin lahayd.

     

    Cadaawe Cali Faarax

    London Uk

    Cadaawe54@gmail.com

    Jul 22, 2019, 1:17 pm
  • Maxa Sababay Qiimaha batroolka oo kor u kacay
    Maxa Sababay Qiimaha batroolka oo kor u kacay
    Maxa Sababay Qiimaha batroolka oo kor u kacay

    Shidaalkanooca  Batroolka ah oo maalmihii u danbeeyay kor uu u kacay qiimihiisu,

    Maalmahan u danbeeyay waxaa kor u kacay qiimaha shidaalka khaasatan batroolka oo   magaalooyinka Somaliland qaarkood gaadhay halkii Litir  hal Doolar iyo sanaaati,

    Shirkadaha  wadanka shidaalka Keena  oo aanu qaarkood la xidhiidhnay masuuliyiintooda ayaa HWN u xaqiijiyay in Kor ukacan Qiimaha Shidaalka  Khaasatan batroolka u sababay  kala Go ku Yimid Shidaalkii wadanka Imman Jiray sababtoo ah  ayay sheegeen in tangaradii  shidaalka  keeni jiray  xiligii qorshahu aha aay dib uga dhaceen , waxaana la filayaa ayaay yidhahdeen  bishan julaay 25 kii ugu horeeyay uu iman doono sida waxaa yidhi mid kamida masuuliyiinta  shirkadaha keena shidaalka oo aan doonayan in magaciisa la sheego

     

    Qimaha foostada batroolka ah aya awal ahayd 138 illaa 140,  Halka uu qiimuhu gaadhay 147 illaa 150 doolar  shidaalka laga soo iibsadao Hamaha ee shirkadahu leeyihiin, iyadoo wararka qaarkoodna tibaaxayaan in 160 doolar aay gaadhay foostada batroolka ah,

    Kaalamha Berbera ayaana litirkii ku iibiya xiligan 7600 oo Somaliland shilling ah halka uu labo wig ka hor ahaa halka litir 6800 somaliland shilling,

    Dabcana magaalooyinka qaarkood sida burco halkii litir wuxuu gadhay 8500 somaliland shilig ah

    Naaftada ayan qiimaheedu kicin oo halkii foosto waxaa lagaga soo iibsada hamaha shidaalka 116 illaa 118 doolar

    Dhanka kale Mid kamida Mulkiilayasha kalamha shidaalka berber ayaa  sheegay in masuuliyiinta dawlada e haamaha shidaalku  si wanagsan ay u maamuleen una qorsheeyeen shidaalka kaydka ah eek u jira haamaha  berbera  waxaanay kaantarooleen  iibkii kaalmaha e shidaalka    iyadoo kaalintiiba loo ogol yahay in aay maalintii qaadato 10 foosto oo batroola, Arinkan ayaana  wax badan hoos u dhigay qiimihii cirka  isku shareeri laha maadama kaalin waliba  aay heshay batrool aay iibiso,

    Inta badan shirkadaha shidaalka keena Somaliland  isku qiimo maaha oo shirkad waliba qiimaha aay kusoo hesho shidaalka  ayaay ku jartaa sicir kiisa, sida hada muuqatana in ku dhow %38 ama %40 aya ku kordhay qiimaha foostada shidaalka ah marka aay sii tafaariiqaynayaan kaalmuhu, waana arin layaableh foosto shidala oo intaa korodhaa, waxana marag madoon ah in kaalintii ama doorkii wasarada ganacsigu ka maqan yahay meesha waayo waxay xadidilahaayeen sicir bararkaa lagu samaynayo shidaalka,

     

    Hadaba waxaana dhacda marka qul qulatooyin aay ka dhacaaan bariga dhexe iyo wadmada khaliijkaba  inta badan qiimaha shidaalku kor ayuu u kacaa waxaana laga yaabaa xasarada ka dhex oogan maraykanka iyo jamhuuriyada Iiraan in ay keento ganacsiga oo  yarada dhinckastaba  khaasatan  shidaalka  oo daruuri  ka noqday dunida casriga ah,

    Jul 22, 2019, 4:04 am
  • Liiska Mashaariicda loo bixiyey Abaal celinta Malaasan ! Somaliland miyaa la wada leeyahay mise waa la kala yeeshay
    Liiska Mashaariicda loo bixiyey Abaal celinta Malaasan ! Somaliland miyaa la wada leeyahay mise waa la kala yeeshay
    Liiska Mashaariicda loo bixiyey Abaal celinta Malaasan ! Somaliland miyaa la wada leeyahay mise waa la kala yeeshay

    Maadaama Madaxweyne Muse Biixi Abdi uu qiray in aanay dalka jirin Xeerka iskaashiga dawlada iyo ganacsiga gaar ka ah ( PPP Act ).

    A)- Maadaama aanay jirin Xeerarka iyo xeegaanada Maalgelinta Madaniga ah ee lagu wareejin lahaa Kaabayaasha Dhaqaalaha Dawlada.
    B)- Maadaama aanay jirin Xeerarka Maareynta iyo Maalgelinta Hantida Guurtada iyo ma guurtada ee qaranka Somaliland.
    C) Maadaama aan loo cuskan wareejinta hantida qaranka ee hoose xeer-nidaamiye dawli ah oo ummadda u qeexaaya waajibaadka masuuliyayeed ee saaran shirkadaha la siiyey qandaraasyadaa kala duwan ama lagu wareejiyey hantidii ma guurtada aheyd ee ummadda Somaliland wada laheyd.
    D) Maadaama yoolka Shirkadaha lagu wareejiyey aanay ku saleysneyn istiraajiyad qaran oo xukuumadu ku leedahay saamiyo badan oo waafiya.
    E) Maadaama aanay jirin heshiisyo marag-gal iyo marag-fur ah oo ku saleysan tiir sharciyeed heshiis laba dhinac ah.
    F) Maadaama aan loo marin hab-wareejintoodii tartan hufan oo xor iyo xalaal ah (fair competition) oo ummadda iyo ganacsatada dalka oo dhan loo soo bandhigay-Waxaa dhamaan Heshiisyadan Hoos ku taxan lagu bixiyey il-duuf sharci, taa soo lagu-tagri falay hanti qaran iyo Kaabeyaal dhaqaale oo qaranku wada lahaa, sidaa daraadeed waxaa dawlada madaxweyne Muse Biixi looga fadhiyaa in ay dhamaan hantidii dawlada ee hore loo bixiyey iyo dhamaan mashaariicdan hoos ku taxan ee dhawaan la bixiyey in dib loo eego oo lagu soo celiyo gacanta dawlada iyo kefedii miisaanka aheyd ee sharciga aheyd.

    Ummadda Somaliland kuma qanacsana in mashaariicda yar yarna gudida qandaraasyada la geeyo oo mikirifoonada lagaga adimo
    Mashaariicda Waaweyn ee muga lehna Maquuuno iyo Abaal celin malaasan laysu siiyo oo daaha dabadiisa lagu dhameysto.

    Rusqada mashruuca soo saarista milixda ee shirkada Salternas LTD ka wado Galbeedka Berbera oo loo xidhaayo dhul gaadhaya 150km (lama naadin )
    Rusqada la siiyey Shirkada MSG si loo scan gareeyo shixnadaha ka soo dega Dekeda Berbera ( Lama naadin ganacsatadii dalbatayna waa laga eexday)
    Mashruuca Baaxada leh ee shirkada Hadhuub ay GPS-ka Caasimada Hargeisa iyo nawaaxigeeda ugu sameynayso ( lama naadin )
    Mashruuca Jufo Nuur Company ee qandaraaska lagu siiyey dhismaha Balaadhinta Wadada Berbera Corridor ( lama naadin )
    Mashruuca Ali Waraabe Construction company lagu siiyey dib u dhiska Wadada Berbera Corridor ( lama naadin )
    Mashruuca Guleed Engineering company ee lagu Siiyey dhismaha balaadhinta wadada Berbera Corridor ( lama Naadin )
    Mashruuca Guri Barwaaqo Construction company ee lagu siiyey Balaadhinta Wadada Berbera Corridor ( lama Naadin )
    Mashruuca baaxada leh ee dhismaha wershada sibidhka Berbera ee ay ku heshiiyeen labada shirkadood ee MSG groups iyo SAOG ( lama naadin)
    Ruqsada Mashruuca Somaliland Heath and Nutrition programme ee ay Malaayiinka dollar ku maalgeliso Dawlada ingiriiska (DFID-UK) Far baa ku godan !
    Mashruuca dib u habeynta shaqaalaha dawlada ” Civil Servant Reform Project ” oo World Bank ku bixisay $10 Million dollar. Far baa ku godan !
    Danta guud ee JSL waxay ku jirtaa mar walba in sife cadaalad ah loogu qaybsado midhaha dawladnimo, si loo helo badbaado qaran waa in qandaraasyadan badan ee sare ku taxan laga dabo tagaa oo dib tendher loo wada geliyaa, oo tar tan xor ah oo xalaal ah loo soo wada maraa cidii ku guuleysatana la siiyaa ama gacanta dawlada dib loogu soo wada celiyaa.
    Waxaan idiinku soo garoocayaa qormadan. Hadii sinaan iyo cadaal la waayo oo wax lawada yeelan waayo waxaa dhici doonta in wax la kala yeesho

    “Anigu Daaha Kama Rogin ee dadkuba wuu arkaayaa.! Shacaboow …Tiraa Kaa gedmane ….wax isu …gey… geyso” !

    Allaa Mahad iyo Mudnaanba Leh

    Wa-Laahum-Aclam-Wa-Bilaahi-Tawfiiq
    Wehelkiin Waa-Alleh iyo Nebi (scs)
    Qalinkii : A/rahman Fidhinle
    Qoraa Madax banaan
    Intensive ED BD PA
    United Kingdom
    London

    Jul 6, 2019, 1:01 pm
  • Deg Deg war, Markab ah Nooca xambaara Koonteenarada oo maalintii labaad ku xaniban dekada Berbera iyo sababta
    Deg Deg war, Markab ah Nooca xambaara Koonteenarada oo maalintii labaad ku xaniban dekada Berbera iyo sababta
    Deg Deg war, Markab ah Nooca xambaara Koonteenarada oo maalintii labaad ku xaniban dekada Berbera iyo sababta
    Mid Kamida Maraakiibta Koonteenarada Xambaara ee Caalamiga ah ee ay leedahay shirkada MSC ayaa maalintii labaad ku xayiran Dekeda Berbera kadib markii Maxkamada Gobolka Saaxil amar Xayiraada qoraal kusoo saartay iyada oo maxkamadu tixraacaysa qoraal maamulka Wakaalada Dekedaha Somaliland soo saartay oo sheegaya inay dhamaan maraakiibta Dekeda Berbera badeecadaha keena bixiyaan lacag dhan 3500$ Dollar Markasta oo aay kusoo xidhaan dekada berbera,waxana lacagtan  qaadi doonta shirkad magaceeda lagu sheegay(Somaliland Documentaion And Cantrol Of Declared)  hadaba Shirkada lacagtan qaadan doonta aan la aqoonsan meel laga leeyahay ayaa la sheegay inay lacagtan ku qaadan doonto hab la xidhiidha in maraakiibta laga baadho hub iyo waxyaabaha la midka ah waxaana la sheegay inshirkadan  uu Masuul ka yahay Nin magaciisa lagu  sheegay JIBRIIL oo Xukumada Somaliland Ruqsad usoo siisay inuu qaado lacagtan loogu  magac daray baadhida Maraakiibta ee waxyaabaha khatarta ah ee hubku ka midyahay. Shirkada Markabka leh ee MSC oo kamida shirkadaha sida joogtada ah ugu xidhan Dekeda Berbera keenana badecadaha iyo gaadiidka lagu soo Rido  Koonteenarada ayaa ganafka ku dhuftay bixinta Lacagtan oo ay ku tilmaameen mid aan sharci ahayn iyagoo xusay in lacagtan aan lagu qaadin dekadaha  waawyn ee calamka,  markabkan ayan mudo labo casho ah iminka ku xayiran dekada berbera sida ay warbaahinta u xaqiijiyeen masuuliyiinta  shiradhah koonteerada  qarkood, Sidoo kalena waxa xusid mudan  in lacagtan lagu shubayo akoon namber xisaabtiisu ka furan tahay dalka jabuuti
    waxaa is waydiin leh shirakadan qaadaysa lacagta ma waxaa laga leeyahay dalka jabuuti wayo  lacagtu ku dhici mayso acoon xisaabeed ka furan  bangiyada  ku yaala somaliland, mida kale shaqada ay aay qabanysa waa sugid amni  sida lajigeed  sax ma ma noqonayso in shirkad aan muwaadin ahayni fuliso ,
    gabgabadii  xiligan  dekada berbera waxa liner ama  si joogto ah ugu xidhan afar shirkadood oo waawayn ahna kuwa koonteenarada xambaara runtiina magaci dekada berbera kor ayaay u qaadeen waxaana ku amaanan muwaadiniita iyagu ku dadaalay in aay maraakiib caalimya  kusoo xidhaan dekada berbera
    HOOS KAGA BOGO WARQADA XAYIRAAD
    Jun 20, 2019, 9:17 am
  • BBC Soomaaliya ma waxay ka mid noqotay Itoobiya? somaliland na wa dal gaar u taagan
    BBC Soomaaliya ma waxay ka mid noqotay Itoobiya? somaliland na wa dal gaar u taagan
    BBC Soomaaliya ma waxay ka mid noqotay Itoobiya? somaliland na wa dal gaar u taagan

    Dadka Soomaaliyeed ee isticmaala baraha bulshada ayaa si weyn uga falceliyay sawir lagu daabacay bogga internet-ka ee wasaaradda arrimaha dibadda ee dalka Itoobiya, kaasoo muujinaya khariidadda Afrika, iyadoo Soomaaliya lagu daray Itoobiya.

    Sawirka muranka dhaliyay, oo ilaa iminka aysan ka hadlin dowladaha Soomaaliya iyo Itoobiya ayaa durba laga saaray bogga wasaaradda, kadib markii qeylo dhaan la xiriirta ay cirka isku shareertay.

    Waxaase xusid mudan in khariidadda Soomaaliya ee Itoobiya la raaciyay laga reebay dhinaca Waqooyi, halkaasoo ay ka arrimiso jamhuuriyadda iskeed madax bannaanida ugu dhawaaqday ee Somaliland.Arrintan ayaa lagu tilmaamay mid meel ka dhac ku ah jiritaanka Jamhuuriyadda federaalka Soomaaliya, waxaana dadka ka fal celiyay ay sheegeen in Itoobiya ay dooneyso wax ay ugu yeereen “dhul ballaarsi”.

    Dhanka kale waxaa khariidadda lasoo sawiray aan lagu muujinin Suudaanta Koonfureed, iyadoo lagu daray dalweynaha Suudaan.

    Hase ahaatee, lama oga in khariidaddan la sameeyay ka hor intii aysan Suudaanta Koonfureed ka go’in Suudaan inteeda kale.

    Tan iyo markii sanadkii lasoo dhaafay uu xilka Ra’iisul wasaaraha Itoobiya qabtay Dr Abiy Axmed, waxaa horumar dheeraad ah sameynayay xiriirka Soomaaliya iyo Itoobiya, waxayna labada dal madaxdooda yeesheen shirar badan oo ay uga arrinsanayeen sidii ay horumar wada jir ah u gaari lahaayeen.

    Arrinta ku saabsan in Soomaaliya iyo Itoobiya la isku daro ayey hadal heynteeda goor hore soo baxday, kadib markii warar la isla dhex marayay ay sheegeen in labada wdadan ay mustaqbalka yeelan doonaan 1 baasaboor, inkastoo aysan jirin cid si rasmi ah u sheegtay qodobkaas.

    Madaxweynaha Soomaaliya Maxamed Cabdullaahi Farmaajo iyo Ra’iisul wasaaraha Itoobiya Abiy Axmed ayaa dhawaan si wada jir ah u sheegay in dhaqdhaqaaqyada ganacsiga ee labada dal la isu furi doono.

    Sidoo kale Itoobiya ayaa soo afjartay colaaddii kala dhaxeysay dalka dariska la ah ee Eretariya.

    Qoraal lasoo dhigay bogga wasaaradda arrimaha dibadda ee Itoobiya ay ku leedahay Internet-ka ayaa lagu xusay in Itoobiya ay hagaajisay xiriirkii kala dhaxeeyay waddamo aysan horay isugu wanaagsaneyn tan iyo sanadkii 1991-kii.

    Waddamada lagu sheegay qormada waxaa ka mid ah Masar, Ghana, Koonfur Afrika, Aljeeriya, Nigeria iyo Rwanda.

    May 26, 2019, 12:23 pm
  • Maxkamad Maraykanka ku taalla oo dambi ku heshay Kornayl Tuke
    Maxkamad Maraykanka ku taalla oo dambi ku heshay Kornayl Tuke
    Maxkamad Maraykanka ku taalla oo dambi ku heshay Kornayl Tuke

    Xeerbeegti Maraykan ah ayaa heshay in uu dambi gaystay nin Soomaali ah oo taxi kaga shaqaysan jiray gobolka Virginia ee dalka Maraykank, isaga oo jirdil gaystay intii uu socday dagaalkii sokeeye ee Soomaaliya qaybihii dambe ee siddeetameeyadii.

    Farxaan Taani Warfaa ayaa toddobaadkii hore ku makhraati furay Yusuf Cabdi Cali oo ah nin horay kornayl uga soo noqday Soomaaliya, balse hadda ku sugnan Washington DC, wuxuuna sheegay in uu jir dilay.

    Cali ayaa ka mid ahaa madaxdii ciidammada qalabka sida ee Soomaaliya wuxuuna taageersanaa kaligii taliye Maxamed Siyaad Barre, sida lagu sheegay xogta maxkamadda.

    Bishan wixii ka horraysay Cali wuxuu wadi jiray taksiga tiknoolajiyadda la jaanqaaday ee Uber isaga oo dad badan ay jeclaysteen adeegiisa intii uu hawshaas hayay.

     

    Talaadadii xeerbeegti ka tirsan maxkamadda faderaalka ee magaalada Alexandria ee gobolka Virginia ee dalka Maraykanka ayaa Yuusuf ku heshay in uu masuul ka ahaa jirdilkii loo gaystay Farxaan muddo haatan laga joogo in kabadan soddon sano, waxayna u xukuntay 500,000 oo doolar oo magdhaw ah.

     

    Farxaan oo dacwaddan markii u horraysay ku soo oogay Yuusuf sannadkii 2014kii ayaa BBC-da u sheegay in uu ku faraxsan yahay go’aanka maxkamadda.

    “Aad iyo aad baan ugu farxay go’aanka maxkamadda,” Ayuu yiri Farxaan.

    Farxaan ayaa sheegay in ciidammada Yuusuf ay gurigiisa oo waqooyiga Soomaaliya ku yaalla ka afduubteen sannadkii 1987.

    Bilihii ka dambeeyayna wuxuu sheegay in su’aalo la waydiin jiray, la jir dili jiray, la garaaci jiray isla markaasna xabbad lagu dhuftay iyadoo awaamiirta uu bixinayay kornayl Yuusuf oo guuto xukumay.

    Mayd ahaan ayaa la iiga tagay ayuu yiri Farxaan, wuxuuna sheegay in uu lacago siiyay dadkii aasi lahaaa si ay mayd kale booskiisa ugu badalaan.

    Warbaahinta CBC ee dalka Canada ayaa markii u horraysay ku baahisay warbixin ay kornaylkan uga hadlayso sannadkii 1992, taas oo faahfaahin ka bixisay eedaymaha Farxaan loo soo jeediyay ee sheegaya in uu dil iyo dhibaatooyin kale u gaystay boqollaal ruux intii uu u shaqaynayay dawladdii Maxamed Siyaad Barre.

     

    Marka warbixintaas la baahinayo Kornaylku wuxuu ku noolaa Canada wuxuuna waardiye ka ahaa Toronto.

    Warbixintaas dheer ayaana lagu soo bandhigay dhawr goobjooge oo ka soo jeeda gobollada waqooyiga Soomaaliya kuwaas oo ku eedeeyay in uu Yuuus amray dilal arxan darro ah, kornaylka ayaa ku magac dheer Tuke.

    Waxyar ka dib Cali ayaa laga masaafuriyay Canada sida ku cad waraaqo maxkamadeed isaga oo lagu eedeeyay tacaddiyo ka dhan ah xuquuqda aadanaha.

    Maraykanka ayaa isna billaabay qorshe uu ku tarxiilayo Yuusuf Tuke, balse dalkaas ayuu ku laabtay sannadkii 1996. Ma cadda sida uu dib ugu laabtay dalkaas.

    Wasaaradda amniga gudaha oon la xiriirnay jawaab degdeg ah kama bixin arrintaas.

     

    May 22, 2019, 5:40 am
  • Ilaalo ayay ahayd, haddana waa boqorad
    Ilaalo ayay ahayd, haddana waa boqorad
    Ilaalo ayay ahayd, haddana waa boqorad

    Boqorka Thailand ayaa guursday gabar ka mid ahayd ilaaladiisa, waxayna sidaasi ku noqotay boqorad, sida lagu sheegay warsaxaafadeed ka soo baxay boqortooyada dalkaasi.

    Arrintan la yaabka leh ayaa ku soo beegantay maalmo ka hor xafladda caleemasaarkiisa Boqor Maha Vajiralongkorn.

    Boqorkan, oo 66 sano jir ah, ayaa boqortooyada la wareegay sannadkii 2016-ka, ka dib markii uu dhintay aabihii, oo aad loo jeclaa.

    Dhowr jeer oo hore ayuu guursday, waxaana uu leeyahay toddoba carruur ah, inakstoo ay kala tageen xaasakiisii hore.

    Warsaxaafadeedka ka soo baxay boqortooyada ayaa lagu sheegay in Boqor Vajiralongkorn “uu go’aansaday inuu dalacsiiyo General Suthida Vajiralongkorn Na Ayudhya, oo uu boqorad ka dhigo, hadda ka dibna waxay la maqaam noqon doontaa qoyska reer boqor”.

    Boqorad Suthida waxay muddo dheer xiriir lahaayeen Boqor Vajiralongkorn, marar badan ayaana la arkay iyadoo la tagaysa xafladaha, balse xiriirkooda ayaa haatan rasmi laga dhigay.

    Suthida Tidjai ayaa horey ugu adeegi jirtay macaamiisha diyaaradda Thai Airways, balse boqorka ayaa xilligaasi u magacaabay inay ku xigeen u noqoto madaxa ilaaladiisa sannadkii 2014-tii.

    Sanadkii 2016-kii ayuu isla boqorka ku dhawaaqay in Suthida la siiyay darajada jenaraalka ee ciidammada dalkaasi.

    May 2, 2019, 11:19 am
  • Washington Post: Askarta Kenya waxay sas ka qaadeen dagaalka Soomaaliya
    Washington Post: Askarta Kenya waxay sas ka qaadeen dagaalka Soomaaliya
    Washington Post: Askarta Kenya waxay sas ka qaadeen dagaalka Soomaaliya

    Wargeyska The Washington Post ee ka soo baxa dalka Maraykanka ayaa waxaa uu qoray maqaal uu cinwaan uga dhigay “askarta Kenya waxaa sas ku riday dagaalka uu Maraykanka taageero ee Soomaaliya”.

    Maqaalka Wargeyska waxaa uu ku billaabay in Maraykanka uu dagaalkiisa Al-Shabaab kaga qeyb-qaato duqeymaha cirka, isagoo adeegsanayo diyaaradaha aan duuliyaha lahayn, balse koonfurta Soomaaliya waxaa jidgooyooyin ku leh ciidammo ka soo jeedo dalka Kenya ee katirsan AMISOM, kuwaas oo inta badan la bartilmaameedsado.

    Waxaa ciidankaasi ka mid ahaan jiray, Christopher Katitu, sarkaal darajadiisu hooseyso oo muddo labo sano ah ku sugnaa Soomaaliya, ka hor inta uusan dhicin weerarkii lagu qaaday Jaamacdda Garissa, markaas oo loo soo diray inuu habeen iyo maalinba waardiyo ka qabto waddo weyn oo ku taalla magaalada Gaarisa oo xilligaasi ay xiisad ka taagnayd.

    Culays badan oo soo foodsaaray kaddib, Katitu wuu is celin waayay, oo dhibaatadii ayaa maskaxdiisa ka tanbadisay, militarigana halkii ay u diri lahaayeen dhakhtar dhimirka qaabilsan, way xireen wayna ciqaabeen.

    “Adduunka oo dhan mugdi ayuu ila noqday,” ayuu yiri isagoo ku sugan beer uu ku leeyahay degaan bariga kaga began Nairobi, “waxaan ogahay oo keliya ayaa ah waxay dadka ii ga sheegeen toddobaadyadii la soo dhaafay, oo ahayd in aaan ku hadaaqayay ereyada “waa qarax, waa Soomaali iyo wax la mid ah”, waxaan is leeyahay markaad xarada militariga ka soo baxdid umbaad ogaaneysaa dhibka ku haysto inta uu la egyahay,”

    Dhibaatadan Katitu oo keliya kuma eka, oo waxaa la qabo askar badan oo reer Kenya ah. Markii uu shaqada ku laabtay dhibkaas kaddib, shaqadii ayaa laga joojiyay, labo sano ayaana la xiray. Qoyskiisa war uma hayan halka uu jiray muddadaas labada sano ah ee uu xirnaa.

    Wuxuu Katitu Wargeyska u sheegay in hal sano oo keliya ay uga harsaneyd in uu u qalmo howlgabnimo.

    Gaashaanle Lucy Mukuria, waxay noqotay qofkii ugu horreeyay ee ka shaqeeyo qeybta cudurrada dhimirka ee ciidammada Kenya, waxay ka sheekeyneysaa dhibtii iyada lafteeda soo gaartay, “Maalmo ayaan jiifay, oo aan ka fakarayay meydkii la is dulsaaray ee isku uray ee dixiriga galay, kuwaas oo lagu soo qaaday boorsooyin dhinac ka furnaa,” ayay tiri,

    Waxay Lucy Mukuria sheegtay in dhibaatada ugu weyn ay ka soo gaartay weerarkii Ceel Cadde. “Meydadka waxaa lagu keenay baabuurta xamuulka, intaas wixi ka dambeeyayna waxba ma uriyo,” ayay raacisay Lucy Mukuria.

     

    Haatan Lucy Mukuria waxay ka walwalsan tahay ilaa 800 oo askeri oo uu ku dhacay cudurka dhimirka, kuwaas oo militariga ay ciqaabeen halka ay caawin lahaayeen.

    Lucy Mukuria waxa kale oo ay sheegtay in aan talooyinkii ay soo jeedisay aanan la dhageysan, markii dambena ay isaga tagtay shaqadii.

    Tan iyo markii ay Kenya ku biirtay dagaalka Soomaaliya, wuxuu Maraykanka siiyay dhaqaale badan, balse ma muuqato in dhaaqalaahaasi qaarkii loo adeegsaday in lagu daweeyo askarta uu ku dhacay cudurrada dhimirka ee ka dhashay dagaalada.

    In kastoo mas’uuliyiinta militariga sheegayaan inay arrintaasi wax weyn ka qabteen ayaa haddana askartii hore ee milateriga Kenya waxay sheegayaan wax ka duwan hadalka dowladda.

    Dalka Kenya oo ay adagtahay in laga hadlo arrimaha ciidanka ayaa waxa taasi ka daran cudurrada dhimrka ee ku dhaca ciidanka dowladda.

    Sideed sano ayaa haatan laga joogaa markii ciidammada Kenya ay gudaha u galeen Soomaaliya, howlgalkaas oo boqolaal askar lagaga dilay Kenya. Ururuka Al-Shabaab ayaa wixii intaasi ka dambeeyay waxay weerarro ka geysteen gudaha Kenya iyo saldhigyo milateri oo ciidaanka Kenya ay ku leeyihiin gudaha Soomaaliya.

    Kenya waxaa Soomaaliya ka jooga ilaa 4,000 oo askari, taas oo shan meelood hal ka ah ciidammada Midowga Afrika ee Soomaaliya ku sugan.

     

    May 1, 2019, 11:04 am