Haweeney 70 jir norwiji ah ayay maxkamadda magaalada Bergen ku xukuntay 24 beri oo xabsi ah iyo ganaax lacageed oo 10.000 oo kr gaaraya kadib markii ay qoraal cunsuriyad iyo caay ah oo ay ku aflagaadeyneyso Sumaya Cali ay ku qortay barta bulshada ee Facebook.

Sumaya Jirde Ali ayaa ah gabar da`yar oo soomaaliyeed oo u dhaq-dhaqaaqda arrimaha bulshada, gaar ahaan kuwa soomaalida iyo ajaanibta kel, waxayna caan ka tahay guud ahaan dalka Norway.

Haweeneydan la xukumay ayaa Facebook-ga ku qortay «Fandens svarte avkom reis tilbake til Somalia og bli der din korrupte kakerlakk», oo u dhiganta af-soomaali ahaan «Nacallaa iyo wixii madoobaa ee ku dhalay, ku laabo dalkaagii Soomaaliya, ee halkaas joog, baranbarayahay musuq-maasuqan».

Waxay haweeneydan ku andocootay in Sumaya iyadaba ay horay ugu qortay baraha bulshada aflagaado ka dhan ah siyaasiyiinta iyo booliska dalka Norway, waxayna tusaale usoo qaadatay qoraallada «fuck Sylvi Listhaug og fuck politiet» oo u dhiganta af-soomaali ahaan «Was Sylvi Listhaug (haweeney wasiirad ah) iyo was booliska».

Maxkamadda ayaa sheegtay in Sumaya ay horay raalligelin uga bixisay erayadaasi, islamarkaana iminka looga dhigi karin dambi.

Waxa ay maxkamaddu kusoo gunaanaday in qoraalka haweeneydan uu ahaa mid xambaarsan cunsuriyad islamarkaana la doonayo in laga hortago noocyadiisa.

” – Sumaya waa qof u dhaq-dhaqaaqa soo galootiga laga tirada badan yahay, waana qof qaali u ah, sidaas daraadeed xukunkan waxa uu ka hortagayaa in uu sumcadeeda ilaaliyo islamarkaana aysan badan qoraallada cunsuriyadda ku dheehan tahay ee baraha bulshada lagu faafiyo”, ayaa lagu yiri qoraalka maxkamadda

Qof rakaab ah oo looga shakiyay in uu isku dayay in uu af duubto diyaarad ukala duulaysay Bangladesh iyo Dubai ayay toogasho ku dileen ciidammada sida khaas ah u tababaran ee Bangladesh, sida ay warbaahinta guduhu ku warrantay.

Qofka laga shakisan yahay oo la sheegay in uu ku goodiyay in uu bistoolad qabo ayaa la dilay ka dib markii laamaha ammaanku ay si degdeg ah hawlagan u filiyeen sidaadii ay diyaaraddu si degdeg ah cago dhigatay Chittagong.

Waxaa badbaaday dhammaan 148 rakaab iyo shaqaalaha isugu jiray ee saarnaa diyaaradda ay leedahay shirkadda Biman Bangladesh Airlines oo duulimaad nambarkeedu ahaa BG147

Wali ma cadda sababta qofka laga shakisan yahay uu isugu dayay in uu diyaaradda afduubto.

Masuuliyiin ka tirsan ciidammada qalabka sida aayaa sheegay in nink laga shakisan yahay oo la rumaysan yahay in uu 25 jir yahay la dhaawacay markii la toogtay Axaddii balse uu wax yar ka dib geeriyooday, sida ay ku warrantay wakaaladda wararka ee AFP.

“Waxaan isku daynay in aan xirno oo uu is dhiibo, balse wuu diiday markaas ka dib ayaana tooganay,” ayuu yiri Sareeye Gaas Motiur Rahman.

“Bangladesh ayuu u dhashay waxaana ka helnay bistoolad aan wax kale wehelin.” ayuu intaas ku sii daray.

Wararkii hore ayaa sheegay in qofka laga shakisan yahay uu dhimirka ka xanuunsan yahay uuna dalbaday in uu la hadlo Ra’iisulwasaare Sheikh Hasina oo booqasho ku maraysa magaalo xeebeedka Chittagong.

Shaqaalaha diyaaradda ayaa walaac ka muujiyay ka dib markii la sheegay in uu u dhaqmayo si shaki leh, uuna bidhaamiyay in uu qorshaynayo in uu afduuban rabo diyaaradda, sida ay ku warrantay wakaaladda wararka ee Reuters.

Diyaaradda ayaa si degdeg ah la isugu gadaamay sidaadii ay u cago dhigatay garoonka Shah Amanat International ee magaalada Chittagong, iyadoo ay masuuliyiintuna isku dayayaan in ay la hadlaan qofka laga shakisan yahay.

Sawirro baraha bulshada la soo dhigay ayaa muujinaya dad badan oo taagan garoonka iyo diyaarad nooceedu tahay Boeing 737-800 oo gadaashooda ka

Gudoomiye Cabdiraxmaan Cirro Oo Isku Shaandhayn Ku Sameeyay Xoghayayaasha Xisbiga Waddani

Siyaasiyada Foosiya Yuusuf X adna oo la yaabtay xukuuumada farmaajo, siyaasad xumada ka haysata diblumaasiyada dibada

Safia Maxamed, ayaa la yaabtay markii ay ogaatay in qofkii ugu danbeeyey ee lagu daldalo gobolka Wales, ee dalka Britain, uu ahaa Soomaali.

Inta badan Soomaalida Britain tegtay, ayaa halkaasi gaarey wixii ka dambeeyay sanadka markii uu ahaa 1990-kii, Safiyana ma qiyaasi karin in Soomaalida ay halkaasi ku sugnayeen muddo gaareysa boqol sano.

Sheekada Maxamuud Mataan, ayaa markaad u fiirsataba, waxay ku tusineysaa arrin weyn oo midab takoor iyo caddaalad darro maxkamadeed ah, taasoo ahayd noolasha Soomaalidii badmaaxiinta aheyd ee u talaabtay Britain.

Sheekada ayaa bilawgeedu waxey aheyd wada sheekeysi kulan casho ah. Ma garan karo sida uu mawdhuucu u bilawday, ha yeeshee innagoo kasii baxeyna goobtii maqaayadda, saaxiibadeey ayaa soo hadal qaadey magaca Maxamuud Mataan, kaas oo la daldaley sanadkii 1952-dii, markaa – anigu indhaheyga waxey ku dheegageen saaxiibadey, halkaas ayeynu ka amba qaadnay sheekadan qotada dheer, ee aadka u qalafsan – maxaa xiga markaa.

Aad baan uga argagaxay, haddana way i soo jiidatey sheekada. Saacadihii ka dhinnaa habeenkaa waxey sheekadan ka dhex baarney wixii laga hayo aaladda wax lagu baadi goobo ee Internet-ka ee Google, innagoo isku dayeyna inaan ogaano xogta iyo warbixinada ku saabsan sheekadan murugada leh.

Markaan sii aqriyaba sheekada Mataan, waxaan ogaanay taariikhda dheer ee ay leeyihiin dadkayga ku nool Britain.

Markii aan ku soo dhex barbaarayey, qoysaska Soomaaliyeed dhexdooda, kuwaas oo xooggoodu yimid halkan sanadihii sagaashameeyadii “1990-kii” illaa iyo labaddii kun “2000”, ma maqal qof soo hadal qaadayo in Soomaalidu joogeen in ka badan qarni, oo arrintaasi waxba kama ogayn.

Sheekada Mataan ayaa ku bilaabatey fiidka maalintii ay ku beegneyd 6-da March, 1952-dii, markii la dilay haweeney ka shaqeysata dukaankeeda oo la yiraahdo, Lily Volpert, kaasoo ku yaaley Butetown, Cardiff. Ciidanka booliiska ayaa durbadiiba markii uu falka dhacay joojiyey dhammaan maraakiibtii ka baxeysay dekedda, waxey bilaabeen iney ugaarsadaan gacan ku dhiiglihii.

Butetown, waxaa sidoo kale loo yaqaanay Tiger Bay ama The Docks. Waxey aheyd goob ay ku nool yihiin dad kala dhaqamo ah, taas oo mahadeeda ay lahaayeen badmaxiintii, kuwaasoo halkaasi u tagey iney ka xoogsadaan, kana kala yimid qeybo kala duwan oo ah goobihii ay ka talineysay boqortooyadii Britain – oo ay kamid ahayd Somaliland.

Soomaaligii ugu horeeyey ee yimid Cardiff waxaa la diiwaan galiyey inta la og yahay qarnigii labaatanaad, ka gadaal markii la furey Kanaalka Suez. Ha yeeshee way yaraayeen illaa iyo intii laga soo gaarayey 1914-kii, markii uu bilawday dagaalkii koowaad ee dunida, waxaa kordhay baahida loo qabo dadka xoogga leh, si loogga faa’iideysto xooggooda shaqooyinka adeegga ku saleysan.

Ragga ayaa ka shaqeyn jirey maraakiibta ganacsiga kala daabusha, kuwaas oo matoorradooda ay isticmaali jireen dhuxusha. Waxey awood u heleen raggani iney shaqeystaan, oo lacagihii ay heleen dib ugu diraan dalkoodii, adduunyadana goobo kala duwan oo badan ay arkaan.

Raggani waxey ahaayeen dad reer guuraa ah, wax dhib ah kuma aysan qabin safarka ku saleysan guur guuridda. Waxaa jirta maah maah Soomaaliyeed oo oraneysa “Nimaan dhul marin, dhaayo ma leh,”.

Intii lagu guda jirey sanadihii dagaalka koobaad ee dunida, 1914 illaa iyo 1918-kii, Warsame aabihii iyo Soomaalidii kale ee ay badmaaxiinta isla ahaayeen way hodmeen, sida ay sameeyeen kuwii kale ee tegay Yemen, iyo qeybaha kale ee dunida ee hoos tegi jiray boqortooyada Britain.

Si kastaba ha ahaatee, dhamaadkii dagaalka, waxaa dib u soo noqday badmaaxiin badan oo Britain u dhashay, waxey sidoo kale u baahdeen shaqo. Taasina waxay sababtay in markii ugu horreysay ay billawdaan dibedbaxyo midib takoor ku salaysan oo ka dhacay Cardiff iyo Liverpool.

Raggii caddaanka ee shaqo doonka ahaa waxay weerar ku ekeeyeen dadkii madoobaa iyo guryihii ay ku noolaayeen, ayey tiri Nadifa Maxamed, oo ah qoraa asal ahaan Soomaaliya ka soo jeeddo balse British ah, taasoo ka shaqeyneysa sidii ay usoo saari laheyd buug ka hadlaya Maxamuud Mataan, “halka Soomaalidii, iyo madowgii kale ee ku dhaqnaa goobtii uu weerarka ka dhacay ay iska caabiyeen kuwii soo weerarey”. Waxaa muuqatey in weerarka kadib dadkii qaarkood ay isaga tagaan goobtaasi, laakiin kuwa kale ayaa ku harey goobtii, kuna adkeystay iney sidoodii usii noolaadaan, waloow shaqooyinkii la heli jirey ay hoos u dhaceen.

“Noolaanshaha Cardiff, waxey badey badmaaxiintii ajnebiga ahayd iney ku ekaadaan guryo ay lahaayeen shirkadihii maraakiibta, kuna hoos noolaadaan nidaam kudhisan faquuq, kaasoo xadiday fursadaha shaqo ee ay heli karayeen, goobaha ay tagi kari lahaayeen,” sida ay sheegtay Nadifa Maxamed.

“Inkastoo ay noolashu adkayd, waxey halkaasi ka abuurteen noolol hor leh, taas oo ka dhalatay goobaha ay degganaayeen dadka dhaqamada kala duwan leh. Waxey sameysteen maqaayada, masaajido, iskuullo ku dhisan nidaamka Islaamiga ah, iyo hanaan ay isku garab qabtaan.

Maxamuud Mataan, ayaa Butetown gaaray sanadkii 1940-kii. Wuxuu ku dhashey maammulkii Somaliland ee Britain hoostegi jiray ee sanadkii 1922-kii, isagoo raacayay raadka dadka kale ee bulashadiisa, ayuu helay shaqo markab.

Sanadkii 1945-tii waxey is barteen Laura Williams, oo aheyd gabar 17 sano jir ah oo kasoo jeeda dooxada Rhondda, taas oo ka shaqeyneysay warshad sameysa warqadaha, saddex bilood kadibna wayba is guursadeen.

Tacadiyada ka dhanka ah qoyskan ayaa noqday kuwo aad u sarreeya “xitaa waxaa dhibaato noqotay inay waddooyinka wada socdaan, sababtuna waxay ahayd waxaa dhibaateynayay ragga iyo dumarkaba,” ayey intaa raacisay Nadifa.

Labadan qof ee is calmadey waxey dhaleen saddex carruur ah, ha yeeshee waxaa aad ugu adkaaday iney helaan goob ay si wadajir ah ugu wada noolaadaan oo bulshaduna u ogoshahay. Markii uu dhacayay fal lagu dilay haweeney lagu magacaabi jiray Lily Volpert, qoysaskani ma wada nooleen.

Lily Volpert waxey ku jirtay da’da afartameeyada, waxay lahayd dukaan ku yaalla waddada Bute, kaasoo aan ka fogeyn xeebta ay kuxirtaan maraakiibta. Xilli fiid ah 6-dii March, 1952-dii, meydkeeda ayaa laga helay dukaanka, iyadoo dhiig baxday, oo goorta loogga gooyey sakiin. Lacag lagu qiyaasay £100 oo haatan u dhiganta £3,000 – ayaa laga xaday dukaanka.

Ciidanka booliiska ayaa su’aalo weeydiiyey dad badan, oo uu ku jirey Mataan. Wuxuu u sheegay inaanu ku sugneyn jidka Bute maalintii uu dilku dhacay, oo uu ku jirey shaneemada illaa iyo 7:30 fiidkii, kadibna uu tagey gurigiisa, ayuu u sheegay booliiska. Laakiin ma jirin qof laga heli karo cadeyn ah halka uu Mataan ku sugnaa 8.15 fiidkii, markii uu dhacay falkii dilka ahaa.

Qof u dhashay dalka Jamica, oo la yiraahdo Harold Cover, ayaa siiyey booliiska warbixin aroortii xigtay, isagoo sheegay in uu arkey nin Soomaali ah oo kasii baxaya goobta uu falka dilka ka dhacay ee dukaanka Volpert – kaas oo lahaa ilig dahab ah, koofi iyo jaakatna aan xirneyn.

Ha yeeshee Mataan ma uusan laheyn ilig dahab ah, dadkii arkay maalinkaasi, ka hor falka dilka, waxay sheegeen inuu xirnaa koofiyad iyo jaakat. Waxaa dib laga ogaaday in ninka Jamaikan-ka markuu booliiska warbixin siinayey uu sidoo kale sheegay inuu arkey nin kale, kaas oo uu ku sifeeyey Taher Gass.

Mataan waxaa la xirey markii Cover uu siiyey booliiska warbixin labaad, taasoo ka hor imaneysa tiisii koobaad – qoyskii ay ka dhalatey Volpert ayaa balan qaadey £200 oo abaalmarin ah ciddii soo gudbiso warka arrintaasi la xiriira. Markii la gaarey maxkamaddii, Cover wuxuu sheegay inuu arkey Mataan oo kasii baxaya dukaanka markii ay saacadu aheyd 8.15 fiidnimo.

Booliiska qaarennadii difaacayay Mataan waxay ka qariyeen in afar qof oo goobta ku sugnayd marka uu dilka dhacayay ay dhamaantood sheegeen in Mataan aanay goobta ku arag, iyo weliba in gabar 12 sano jir ah oo meesha joogtay ay sheegtay in Mataan uusan meesha tegin maalintaas.

Waxaa sidoo kale nasiib darro ahayd in xitaa qareenkii difaacayay Mataan T E Rhys-Roberts, hadalkii ugu dambeeyay ee maxkamadda ka jeediyay uu ahaa in Mataan yahay “canug dhiman oo ilbaxnimadiisa aysan kaamil ahayn”.

Mataan waxaa lagu helay danbi waxaana lagu xukumay dil,Waxaa laga diiday inuu xukunka ka qaato wax racfaan ah, iyadoo lagu daldalay xabsi ku yaalla Cardiff 3-dii September, 1952-dii.

Harold Cover, oo ahaa ninkii ku marqaati furay Mataan, ayaa muddo kadib la xirey, isagoo lagu xukumay xabsi daa’in, ka dib markii lagu soo eedeeyey inuu isku dayey inuu gabadhiisa qoorta ka gooyo isagoo adeegsanaya sakiin, halka Taher Gass, oo ahaa isagana ninkii lagu tilmaamay inuu ku sugnaa dukaanka uu dilka ka dhacay, lagu soo oogay dambi ah inuu qof toorrey ku dilay, balse wax dambi waa lagu waayay.

Xaaskii Mataan, Laura, looma sheegin markii la dilayey ninkeedii, waxayna ogaatay mar ay booqatay xabsigii uu ku xirnaa. Markaas kaddibna iyada waxaa u billawday dadaal sanado badan socday oo ahaa sidii ay ku caddeyn lahayd in ninkeeda uusan gelin dembiga loo daldalay.

“Wuxuu hubay in la ogaan doono in meel un ay wax iska daba-mareen, afka Ingriiska si wanaagsan kuma hadli Karin, balse waxaa ku celcelinayay “qof dumar ah ma dilin”, sidaasi ayay Laura u sheegtay wargeysaka The Independent sanadkii 1997-dii.

“Ilaa maalintii ugu dambeysay waxaan aaminsanaa inay sii deyn doonaan, laakiin ma aaney sameyn, oo wey daldaleen. Markii falkaasi daldalaada ay ku kaceen kaddib, waxaan isku xirey qolkeygii anigoo ay i wehliyaan caruurteedii, muddo dheerna waxaan u maleyn jiray inaan mar un arki doono, wuxuu ahaa nin wanaagsan iyo aabe wacan, badda ayuu ka shaqeysan jiray, si uu noolol u kasbado, markii dambena wuu iska dhaafay, oo wuxuu ii sheegay inuu rabay inuu la joogo carruutiisa intay ka korayaan,”

Isku daygii ugu horeeyey ee ay qoysku ku doonayeen in xukunkii dhacey la baabi’iyo waa laga diidey, laakiin kiiskani wuxuu noqday kii ugu horeeyey oo loo gudbiyo guddiga dib u eegiska kiisaska ee la dhisay sanadkii 1990-kii.

Ugu danbeyntii xukunkii waa la buriyey sanadka markii uu ahaa 1998-dii. Lord Justice Rose ayaa ku tilmaamey kiiskani “mid ay caddahay inuu khaldanaa,” isagoo sheegay in ay meesha ka maqanayd wax cadeyn ah oo Mataan la xiriirinayay inuu isaga dilay Lily Volpert.

Qoyskii Maxamuud Mataan ayaa waxaa loo xukumay magdhaw gaaraya 1.4 million oo giniga Ingriiska ah, Waa markii ugu horeysay oo ay wasaaradda arrimaha gudaha Ingiriiska magdhaw siiso qoyska qof si qald ah loo daldalay.

Xaaskii Mataan, ee Laura, waxay dhimtay 10 sano kaddib xukunkaasi. dhammaan carruurtiina waxay wada dhinteen balse waxaa weli Cardiff ku nool carruurtii ay sii dhaleen.

Sanadkii 1996-dii, labo sano ka hor intaan Mataan la bari yeelin, ayaa meydkiisa laga soo bixiyey qabuuro khaas ah oo ku yaalla xabsiga, waxaa lagu aasey qabuuraha Cardiff.

Waxaa qabrigiisa lagu dhejiyay dhegax lagu qoray “caddaalad darro ayaa lagu dilay”

19/01/2019

Go’aan Uu Guddoomiyaha Maxkamadda Gobolka Maroodi Jeex Soo Saaray Oo Uu Ku Durrayo Magdhawgii Shirkadda Haatuf Media Network

Hargeisa, January 1, 2019 (Haatuf) –

“Ugu horayn go’aankan kasoo baxay maxkamadda gobolka Maroodi jeex ee ku taariikhaysan 16/01/2019, waa mid aan ka jawaabayn kana turjumaynin dacwadii magdhawga ahayd ee ay Shirkadda Haatuf Media Network ka furatay Maxkamadda.

Dacwadda aanu furanay waxay ku saabsanayd Ciidanka Bilayska ee xooga ku qabsaday xaruntii soo saari jirtay saddexda Wargeys ee Haatuf, The Somaliland Times iyo Al-Haatef Al-Carabi, iyagoo aan u haysanin amar maxkamadeed.

Qabsashadaasna waxa ka dhashay khasaare laxaad leh oo maad iyo macnawi iskugu jira.

Dacwadda aanu furanay waxa uu ahaa khasaarihii ka dhashay xoog ku haysashada meherad iyo hanti gaar ah oo haatan ay ciidamadaasi dul fadhiyeen mudo 5 sanadood ku dhawaad ah.

Hadaba garsooruhu wuxuu majaro-habaabiyey cadaaladii iyo wixii ay dacwadu ku saabsanayd oo uu meel kale oo aanay dacwadu ku saabsanayn ula kacay. Maxaa yeelay, waxa uu ka hadlay xukunkii ciqaabta ahaa ee guddoomiyaha shirkadda Yuusuf Cabdi Gaboobe iyo Tafatiraha Wargeyska Haatuf Axmed Cali Cige ( bishii June 2014) lagu xidhay ka dibna qoraal amar Madaxwayne lagu sii daayey.

Xukunkaasi isagu halkaas ayuu ahaa. Balse dacwadayadu xukunkaasi lamay xidhiidhaynin ee waxay la xiidhiidhaysay xukun amar ah oo ka horeeyey oo isla garsoore Axmed Dalmar soo saaray 07/04/2014, isagoo xayiraad saaray in aanu Wargeyska Haatuf soo bixi karin, iyadoo xayiraadaasi lagu socodsiiyey dhamaan madbacadaha dalku inaanay soo saari karin wargeyskaa oo kaliya. Xukunkaasi waxa kale oo uu xambaarsanaa ruqsad-laalis wargeyska ah. Balse marna muu dhigaynin in ciidanku xoog ku qabsado xaruntayada ganacsi.

Dacwadayada magdhawga ahayd waxay ku saabsanayd qabsashadaasi aanay jirin maxkamad amartay ee ciidankaasi ku haysteen xafiisyadayadii isla markaana khasaaraha laxaadka leh naga soo gaadhay.

Markaa guddoomiyaha maxkamadda gobolku wuxuu gadhka isku galiyey laba dacwadood oo kala duwan oo aan shaqo isku lahayn, iyadoo aanu u aragno in aqoon darro xaga sharciga ahina ka muuqato go’aankaas, maadaama oo dacwad meesha aan oolin uu soo galiyey.

Eeg:- Qaraarka Maxkamadda gobolka Maroodi Jeex 7/4/2014 meel qudha kagama qorna in ciidanku qabsado oo uu mudo shan sano ku dhawaad ah dul-fadhiyo. Xitaa markii qabsashadaasi aanu dacwad ka furanay, garsoorihii u horeeyey ee xarunta booqday ciidankaasi way u diideen inuu xarunta gudaha u gallo, waxaana dhacdadaasi laga daawaday Telefishanada dalka. Ka dib garsoorahaasi cabsi awgeed ayuu dacwadii iskaga wareejiyey. Aakhirkii galkii dacwadan waxa gacanta ku dhigay guddoomiye Dalmar, waxaana dhacday in isaga laftigiisu maalintii uu goobtaas noo raacay ay ciidanku u diideen inuu gallo xarunta Haatuf Media Network, ilaa taliyaha qaybtu goobta noogu yimid sidaasna aanu ku galnay.

Hadaba qofkasta oo caqli lihi wuxuu garankaraa khasaaraha baaxada leh ee na soo gaadhay, laakiinse waxa muuqata in garsoore Axmed Dalmar uu ka habraday inuu cadaalada u hiiliyo”.

Afhayeenka Haatuf Media Network Maxamed Ibraahim Sagax

Seben waliba isaga ayaa dadkiisa wata maanta sebenkanina isaga ayaa Hadraawigiisa iyo Cabdiqayskiisa iyo Gaariyihiisa wata waana dhalinyaro. Hal abuurku waa dhalinyaro, suxufigu waa dhalinyaro, Garyaqaanku waa dhalinyaro, aqoonyahankuna waa dhalinyaro Ilaahay ha xafido dhamaantood eh. hormoodkoodu waa sodoneeyo da’doodu. Markaan intooda ahaa anigu qori iyo rasaas baan sitay iyaguna mikirifoon iyo qalin bay sitaane bal daya hada qoriba may qaadane.

Dhalinyaradan la weetaynayaa wax kale ma doonayaan in la dhegaysto keliya ayay u baahan yihiin. Dhego maqla iyo in lala doodo oo bal soo daaya waxaad sheegaysaan la yidhaa bay u baahan yihiin. Markaas ayay ogaanayaan inay jiraan oo dad jira oo codkooda la maqlo yihiin. Anigu 65 jir baan ahay kuma qancayo inanka sodoneeyadiisii ku jiraa in aan mustaqbalkiisa u danaynayo siduu isagu u danaynayo. Mustaqbalkana anigu kama lihi ee isaga ayaa aniga iga leh aniguna waan u qirsanahay inuu ilaashadana xaq buu u leeyahay.

 Maalintii dhalinyaradii UFFO ay dhamaatay shegaysigii Maxkamaddu oo sadex maalmood soconayaysay ayaa markii laga soo dareeray nin ka mid ahaa qareenadii u doodayay oo labadii nin ee ugu aqoonta sareeyayna ahaa ayaanu gaar ula baxnay kii aanu ku kalsoonaynna wuu ahaa. Hal weedh oo keliya ayuu nagu qanciyay. Wuxu yidhi “ wax dambi ah oo maxkamadda horteeda kaga cadaaday ma jiro laakiin go’aanku kolay siyaasi buu noqonayaa oo waxay doonaan bay ku xukumi karaaan. Maxaa la ogaa Khamiis bay ahayd sabtidiina tii uu sheegayay ayaa dhacday xabsi daa’in, sodon sanadood, iyo 20 sanadood ayaa intii ugu badnayd gadhka loo geliyay. Hada xagii sharcigana wax dambi ah laguma cadayn oo in ooda laga soo qaado ayay ahayd. Dee waatii wixii ka dhacay la ogaa. Qareenka wax noo sheegay wuxu ahaa Ilaahay naxariistii janoo ha ka waraabiyo eh Faysal Xaaji Jaamac oo ahaan jiray Gudoomiyaha Maxkamadda Sare ee Somaliland

Siyaasi Cali Maxamed Yuusuf Cali Guray.

Madaxweynaha Mareykanka Donald Trump ayaa waxa uu diiday inuu u shaqeeyo Ruushka, arrintaas oo uu kaga jawaabayay wararkii ugu dambeeyay ee su’aasha galinayay xiriirka Trump kala dhaxeeya Moscow.

Isagoo weriyayaasha kula hadlayay Aqalka Cad xilli uu u kicitimayay Louisiana, ayaa waxa uu sheegay: “Abid uma aanan shaqeyn Ruushka.”

Waxa uu waxba kama jiraan ka soo qaaday warbixin uu qoray wargeyska Washington Post, taas oo tilmaamaysay inuu madaxweynaha qariyay tarjumaadda kulankii uu la yeeshay madaxweyne Putin.

Dhanka kale wargeyska New York Times ayaa waxa uu sheegayaa in FBI-da Mareykanka ay baaritaan aanan horay loo shaacin ku bilaabeen madaxweynaha.

Sabtidii dad u dhaqdhaqaaqa mucaaridka Suuriya, kooxaha dad badbaadiya iyo hay’addaha gargaarka ayaa sheegay in magaalada mucaaridka ay heystaan ee Douma oo ku taalla bariga gobolka Quuta in ciidammada dawladda soo weerraray iyagoo isticmaalayo sunta kiimakada ah.

Arbacadii Ha’yadda caafimaadka adduunka ayaa waxay codsatay in loo ogolaado galitaan si ay u soo hubiyaan wararka sheegaya in 70 ruux ay ku dhinteen halkaasi, kuwaas oo ay ka mid yihiin 43 qof oo la arkay ay la luudayaan sunta kiimikada.

Maraykanka iyo xulafadiisa Faransiiska iyo Britain ayaa isku raacay arrintan in ay iska kaashadaan waxaana la filayaa in ay u diyaar garoowayaan.

Dowladda Ruushka ayaa sheegtay in wararka sheegaya in Suuriya lagu weerraray sunta kiimikada ay tahay mid lagu daandaansanayo in la xumeeyo xiriirka xooggan ee u dhaxeya Suuriya iyo

Madaxweyanaha maraykanka Donald Trump ayaa hakiyay booqashadiisi ugu horreysay uu ku tegi lahaa Latin America balse arrintaasi waxaa ay u wecisay inuu diiradda saaro arrimmaha Suuriya.

Go’aankaasi ayaa soo jeedinayaa falcellinta maraykanka ee suuriya ee isugu jiro howlgalka dhanka circa ah, sida uu sheegayo wariyaha BBC Washington Barbara Plett Usher.

Madaxweynaha Faransiiska Emmanuel macron ayaa waxaa uu sheegay in duuqaymaha lala beegsan doono hoowlaha hubka kimikada ee dowladda Suuriya.

Balse wargayska the Times ayaa kusoo warramaya in ra’iisul wasaaraha Britain Therese May ay ugu baaqday madaxweyne trump in uu caddaymo dheeraad ah bixio si loo iftiimiyo eedeymaha dowladda suuriya ee ah weerarka hubka kimikada ee magaalada Douma.

Safiirka Ruushka u fadhiyo qaramada midoobay Vasily Nebenzia ayaa ugua digay xukuumadda Washington inay mas’uuliyadda ay duusha saran doonan tallaabo kasto oo millitari ay qaadan.

Maaliinkii talaadada golaha ammaanka ee qaramada midoobay ayaa ku guuldaraystay inuu ansixiyo qaraar soo jeedinaayo in la unko koox baaritanno ku samayso weerarka Suuriya.

Somaliland: Wadahadalka Somaliland Iyo Soomaaliya

Waxaa beryahan dambe socday dhaqdhaqaayo faro badan oo asxaabta caalamigu ku raadinayaan sidii Somaliland iyo xukuumad day laga dhisay Muqdisho, in la is horkeeno, si uu wadahadal u dhexmaro.

Marka ugu horeysa, Waxaa wadahadli kara laba dawladeed oo shacabkooda soo doorteen. Markaa Madaxweyne Muuse Biixi waa la soo doortay, ée yaa doortay Farmaajo?

Mida labaad, maxaa lagala hadlaa siyaasiyiinta maanta Xamar ka taliya, waa kuwii la iska xorreeyey oo aan biyo is marin. Waa dad aad cidna waxba u ogaleyn, oo aad moodid in xaq loo siiyey xukunka dadka.

Ma dadka is hortaagay horumarka dhaqaalaha dadka iyo dalka Somaliland baa lala xaajoonkaraa? Horumarinta dekedda Berbera waxay keeni doonta shaqo abuur dheef u keenaya dhamaan dadka deggan Geeska Afrika. Lakiin, waad ogeydeen wixii ka yeedhayey siyaasiintaa Xamar fadhiyey.

Dadbaa yidhaahdo, ha la kala saaro siyaasada iyo xidhiidhka caadiga ah. Saxiibayaal, Somaliland wixii quseeya waa siyaasad. Wixii shalay kugu dhacay haddaanad cashar ka qaadan, berrina kugu dhac, saa’dambe kugu dhac,..

Hadaba maxaa talo ah? Waa mid aan la dafiri karin, Somaliland iyo Soomaaliya waa laba dal oo daris ah. Waxaa weligood ka dhaxeyn doona xidhiidh ganacsi, bulsho iyo dhaqan, lakiin, xidhiidh siyaasideed ma dhici karo, mana dhici doono.

Shaqsiga caashaqsan Xamar, ee is leh waxbaa ku yaal ama waa lagu doonayaa, waxaan leeyahay, orod oo iska xaadiri, markaad ka soo carartid baynu is wareysan. Kumaanku baa tagay oo ku soo hungoobay, qaarna, Eebe ha u naxariistee, may soo noqon.

Somaliland iyo Soomaaliya waxay ka wada hadli karaan xidhiidhkooda mustaqbalka ee quseeya ganacsiga, bulshada iyo dhaqanka, lakiin dhanka siyaasada, waxba iskuma keen hadhin.

Allaa Mahad Leh

Axmed Kheyre