Biyo Guure News

Muuqaal
  • Somaliland oo Dalkoodii Dib Ugu Celisay Qaxoonti Itoobiyaan Ah

    Hay”adda qaxootiga iyo barakacayaasha Somaliland, ayaa maanta dalkoodii dib ugu celisay dad qaxooti Itoobiyaan ah Somaliland ugu soo gudbay dhanka maamul goboleedka Xamar ee Garoowe.

    Dadkan oo ka soo jeeda qowmiyada Oromada, ayaa markii ay soo gaadheen Somaliland waxa la dejiyay goob loogu talagalay inay ku nastaan isamarkaana ay joogaan mudo 14 cisho ah.

    Qaxootigan Itoobiyaanka ah oo ay tiradoodu ahayd 37 qof, ayaa waxa goobtii lagu sii sabootinayay ka hadley Agaasimaha waaxda MRC ee Hay”adda Qaxootiga iyo Barakacayaasha qaranka Somaliland Isxaaq Maxamuud Taani.

    Dalka New Zealand oo Markii Kowad dad saladii Jimcaha ku Tukanayay masaahid la laayay

    Mar 15, 2019, 4:24 am
  • Madaxweyne Muuse Biixi Waxa Uu Ilaa Hada Raadinayaa Heshiiskii DP World La Gashay Xukumadii Madaxweyne Siilanyo Oo Aanu Madaxtooyada Wax Documents Igu Imanin”W/Q Yassin Mohamed Ismail
    Madaxweyne Muuse Biixi Waxa Uu Ilaa Hada Raadinayaa Heshiiskii DP World La Gashay Xukumadii Madaxweyne Siilanyo Oo Aanu Madaxtooyada Wax Documents Igu Imanin”W/Q Yassin Mohamed Ismail
    Madaxweyne Muuse Biixi Waxa Uu Ilaa Hada Raadinayaa Heshiiskii DP World La Gashay Xukumadii Madaxweyne Siilanyo Oo Aanu Madaxtooyada Wax Documents Igu Imanin”W/Q Yassin Mohamed Ismail

    XANTII LA QARIYO XIINKEEDAAD MAQASHAA


    Waa caado xun iyo dhaqan xun oo caado u ah mar kasta oo dawlad cusubi dhalato, ama doorasho lagu kala guulaysto, Waxaa inoo caado ah in dawlada sii socotaa sii baabi’iso wax kasta oo macluumaad ah, documentations, records, aataar siyaasi ah iyo kuwo taariikhi ah ba.
    Xataa sida caadada ah khasnadaha waa la sii faaruqiyaa.

    Waxaan usoo joogay 2010 kii markii Siilaanyo ku guulaystay doorashada, ee Daahir Rayaale laga helay, waxaa ag agaarka Hotel Imperial asqeeyay waraaqo ciidaa ka badan oo laga soo qufay xafiisyadii wasaaradaha oo dabayshu wadayo oo wada sir ah.
    Xataa guba la isma odhane dabaylahaa duduucaayay ilaa dugsiga Faarax Oomaar.

    Dadkii joogay baa iiga markhaati ah.

    Imika markii Muse Biixi qabsaday dalka, ceeb iyo fadeexad la wada ogyay baa soo if baxday. 
    Documents badan oo masiiri ah ayaa la waayay. Nin waliba wuxuu hayay ee documents ah jeebkuu hore ugu sii qaatay.

    Xanta jirta waxa weeye, ee weliba laga helaayo ilo ku dhawdhaw madaxtooyada: gaar ahaan xafiiska madaxweynaha iyo ku-xigeenkaba arin werwerkeeda iyo waji-gabaxeeda leh oo ku saabsan documents kii la xidhiidhay heshiisyadii lala galay DP World oo meel ay jaan iyo cidhib dhigeen aan cidi garanayn.

    Muse Biixi dilemma waawayn baa hor yaala. Muse Biixi wuxuu xafiiska madaxtooyada kala wareegay madaxweynihii hore Waa Siilaanyo e, laakiin Siilaanyo Wuxuu ahaa madaxweyne lala maamulaayay madaxweynanimada oo shaqsiyaad kale maamulayeen.

    Markii Muse Biixi ogaaday in aan wax document ah oo ku saabsan heshiisYadaa oo xafiiska Madaxweynaha yaalaa aanay jirin wuxuu isku deyay inuu waraysto Wadiirkii Hore ee Madaxtooyada, Maxamud Xaashi oo loo tuhmaayay inuu isagu documents kaa hayo.
    Balse Maxamud wuxuu ku qanciyay Muse Biixi arin daw ah oo Wuxuu yidhi, sida la sheegay “Anigu wasiir baan ahaa, wixii wasaarada madaxtooyada maamulkeeda la xidhiidha xaq waxa la iigu leeyay inaan xilkeeda u tiriyo wasiirka I bedelayaa, laakiin wixii madaxweyne madaxwryne xil kala wareegaYa, kuma saabsan arimaha masiiriga ah sida heshiisyadii DP World iyo Somaliland waxaad kala xisaabtamaysaa Madaxweyne Siilaanyo”

    Madaxweyne Siilaanyo sidii Xirsi sheegayna Waa incapacitated oo qof haatan lala xisaabtami karo maaha.
    Muse Biixi isagoo dhawraaya anshaxa xisbiga wuxuu isku deyay inuu arintan daboolka saaro.
    Balse Maxamud Xaashi oo loo tihmaayay inuu hayo nuqul ka
    Mid ah heshiiskaas ayaa gurigiisii dab qabadsiiyay mar aan sii fogayn, si uu u yidhaahdo Waar Aniga xataa personal stuff kaygii baa halkaa ku gu tay oo waxaan hayaa Ma jirto awelna wax sharci la iigu leeyay oo heshiis ah oon hayay Ma ay jirin e, orod Musoow ka raadso heshiisyadaa cidii wadanka loo doortay ee aad xaq ugu lahayd inay kugu wareejiyaan.

    Arintu jiq bay noqotay.
    Maxamud Xaashina Juba Yaa Gubay buu kaga galgashay arintii oo waakii maalmahaa gurigiisiiba dabka qabadsiiyay. I call that one step ahead .

    Hadaba, Dhawaan waxay xukuumada Somaliland U dirtay dalka Imaaraadka wafti uu hogaaminaayay Madaxweyne ku xigeenka Somaliland, Mud. Abdirahman Saylici, waxaanay ujeedada socdaalkiisu ahayd baa la yidhi bal inuu shirkada DP World ka codsado in la tuso nuqul ka mid ah heshiiskii DP World iyo Somaliland.

    Sida wararka duulduulka ah ee ka imanaaya guriga Madaxweyne ku xigeenka ay tibaaxayaan, DP World si hees-jees ah ayay Saylici ugu yidhaahdeen, “waxaanu heshiis la saxeexanay dawlada Somaliland ee aad adigu madaxweyne- ku xigeen ka ahayd, waxaanay noola muuqataa inaad nala kaftamayso marka aad na waydiisanayso nuqul ka mid ah heshiiskaas in aanu ku siino. Malaa waad nala kaftamaysaa, haday kaftan iyo is yeel-yeel kaa tahayna Waa mid aanaan ku qosli karin. arin”

    Waxay intaa u raaciyeen, “waxaase jira arimo aanu saluugsanayn oo ka Mid ahaa waxyaalaha heshiiskaas ku qoran oo laftiinu [Somaliland ahaan] aanu idinka rabnay in aad fulisaan, warqad arintaa ku saabsana aanu idiin soo dirnay laakiin aydaan weli fulin.”

    Waana waxyaalaha fajacisada ku noqday Abdirahman Saylici ee uu kala kulmay Imaaraadka.
    In kastoo aakhirkii baryootan iyo waar Ha na fashilina uun talo kusoo ururtay, hadana waxay mar kale ku adkaysteen Imaaraadku inay Madaxweyne ku xigeenka siiyaan ama u copy gareeyaan warqad hore oo waqtigii xukuumadii Siilaanyo ay DO World u qortay dawladii Somaliland taas oo ku xusuusinayeen ila waajibaadkaas.

    Saylici waxaa la sheegay inuu dareemay in isagii daalac loo raacay, waxaanu ku soo guryo noqday dalkiisa.
    Sida ay u qoran yiin wararka aan ka helay arinkan ayaa sheegaya in lagu waaniyay Ku xigeenka in dawladiisa laga rabo inay fuliso waxyaalo pre-requisite u ahaa heshiiska oo markaa shuruudahaas uun loo daabacay.

    Ilaa hada laakiin cid haysaa Ma jirto 
    nuqulka heshiiska rasmiga ah ee DP World iyo Somaliland wada galeen.
    Dawlada UAE iyo DP World, waxa kale oo la sheegay inay ku goodiyeen, in haddii dawlada Somaliland ay isku daydo inay asaraartan ka keento heshiiskaas ay taasi keeni doonto in DP World ay dacwad garnaqsi ah ka furato magaalada London, sida ku xusan qodobo ku qoran heshiiska oo ay sheegeen.

    Saylici waji-gabaxaas baa ka soo qabsaday Imaaraadka.
    Sidaa daraadeed, Muse Biixi isagoo arintaa daba taagan ayuu u kicitimay dalka imaaraadka, waxaana wararku sheegayaan in ku talo galkiisu yahay inuu ku yidhaahdo DP World iyo dawlada Imaaraadkaba Waar ama documents kii I tusa ama dib iila heshiiya ama hadal ujeedadiisu tahay u yabxeerin ah Hadii kale heshiiska waanu dadafaynaynaa oo dib ayaan Parliament ka u hor keenayaa.

    Arintaa waxay DP World kaga jawaabtay baa la leeyay si degan iyadoo tidhi Waxaa ku jira heshiiska qodobo la xidhiidha talaabooyinkii laga qaadi lahaa darafka ka baxa heshiiskan oo kalifi karta in aanu maxkamad ka furano dalka Ingiriiska.

    Halkaas ayaanay xaaladu maraysaa, Carabtiina Muse dheg uma jalaqsiine igu sawir bay la ciyaareen Muse, isna Sawir ka kama baaqsane sidii Maahmaahda Soomaaliyeed tidhi ‘Orgi Soobir ah iyo Midi Saawiri Midna Gawrac kama Baaqsato’

    U fiirso Xog La’aanta iyo iska war-qab la’aanta xukuumada Muse Biixi: mar la waydiiyay Muse Biixi miyaa la kireeyay mise waxbaa lagu bedeshay Saldhiga Berbera, Muse wuxuu ku jawaabay Waa la kireeyay, balse Sacad Cali Shire waraysi kale oo uu bixiyay wuxuu dheegay lama kirayne waxbaa la dhaafsaday, isagoo isla interview gaas ku yidhi malaha madaxweynuha wuu cusubyoo waan la brief garayne lama kirayn saldhiga. Cajiib saw maaha?

    Halkaa Waxaa ka Muuqata dhawr arimood:
    1. Madaxweyne Muse Biixi Ma hayo war iyo wacaal iyo documents midna iyo xataa internal intelligence.
    2. Saylici ma hayo wax documents ah, Waa isagaaba dawladii hore ku jiraye.
    3. Parliament keenu ma hayo document rasmi ah, waxay ansixiyeena Hadii la waydiiyo ninka makhaayada ka sheekaynaaya kama war badna. Waa nasiib daro. Hada Waa wakiiladii.
    4. Madaxweynihii hore Waa Siilaanyo e war ma hayo ama
    Maba xusuusto, xubnihii ka ag dhawaa ee deal-kan ku lug lahaana, waxay u isticmaalayaan fara ku haynta documents kaas as a negotiation chip, la xidhiidha hagbadii waayee markayagii nagu wareeji gudoomiyanimadii Hadii kale the highway.
    5. Muse Biixina jahawareerka haystaa waxa weeye. Baaladaymoodka kumana dhaco inuu talaabo adag qaado.
    Simply wuxuu soo xidh-xidhi lahaa dadka lagu tuhunsanyay qarinta documents kan ee qaranka ceebtan usoo jiiday.
    Instead wuxuu ka door biday inuu baryo iyo gacmo hoorsi la hoos tago Imaaraadka. Igu sawir clown ka.

    Bal u fiirso aayaha

     

    W/Qoray Yassin Mohamed Ismail

     

    Mar 11, 2019, 12:05 pm
  • Waa maxay muhiimada shirka uu  kim jong um uu u galay safar tareen oo afar kun oo km ah,
    Waa maxay muhiimada shirka uu kim jong um uu u galay safar tareen oo afar kun oo km ah,
    Waa maxay muhiimada shirka uu  kim jong um uu u galay safar tareen oo afar kun oo km ah,

    Warbaahinta qaranka Kuuriyada Waqooyi ayaa waxa ay xaqiijisay in hogaamiye Kim Jong-un uu u kicitimay shirka uu Vietnam kula yeelanayo Madaxweynaha waddanka Mareykanka Donald Trump.

    Warbixinn lagu baahiyay warbaahinta qaranka ee Kuuriyada waqooyi ayaa ah qirashadii ugu horeysay ee xukkumadda Pyongyang ay ku shaacinayso in shirka Hanoi uu dhici doono.

    Warbixinn lagu baahiyay warbaahinta qaranka ee Kuuriyada waqooyi ayaa ah qirashadii ugu horeysay ee xukkumadda Pyongyang ay ku shaacinayso in shirka Hanoi uu dhici doono.

    Socdaalkiisa waxaa la shaaciyay saacado uun ka dib markii tareen gaashaaman oo midabkiisu yahay cagaar iyo huruud uu ka gudbay xadka dalkaasi la leeyahay Shiinaha.

    Safarka dalka Vietnam ayaa la filaya in uu qaato 60 saacadood. Waxaa la aaminsanyahay in safarka ay ku weheliyaan walashiis Kim Yo Jong, iyo mid kamid dadkii wadahadalada ugu qeybgalayay Jeneraal Kim Yong Chol.

    Waxaa jirto hadal hayn sheegaysa in Mr Kim uu booqani doono xarumaha ganacsiga ee Vietnam shirka ka hor.

    Donald Trump ayaa waxaa uu isku deyi doona in uu siiyo Kim kaalmo loogu talagalay in lagu kaabo dhaqaalaha dalkiisa ee sii liicayay hadii uu joojiyo barnaamijkiisa nukliyeerka. Shirka madaxeedkan labaad ee aadka looga dhursugayo ayaa waxaa uu dhici doona maalinta Arbacada.

    Maxaa Vietnam lagu doortay?

    Vietnam oo ay maamulaan shuuciyiin balse dhaqaalaheedu uu hanti-goosadku yahay ayaa haatan waxaa loo arkaa inay saaxiib la tahay Washington iyo +Pyongyang.

    Dalka ayaa waxaa haatan waxaa loo arkaa inuu yahay “goob dhexdhexaad ah” oo buuxin karo dhammaan shuruudaha ay doonayaan Mareykanka iyo Kuuriyada Waqooyi, sida uu sheegayo Carl Thayer, oo khabiir ku ah arrimaha Vietnam oo uu saldhiggiisu yahay Jaamacadda New South Wales, ee dalka Australia.

    Prof Thayer ayaa waxa uu u sheegay BBC-da laanta Viernam: “Doorashada Vietnam loo doortay inay martigaliso kulanka labaad ee Trump iyo Kim ma ahan oo kaliya mid xulasho un ku timid.”

    “Vietnam waxaa loo doortay in dhab ahaantii dhammaan dhinacyadu ay ku kalsoon yihiin awoodda ay u leedahay inay sugto ammaanka kulankaasi. Dhammaan dhinacyaduna waxa ay rumaysan yihiin in Vietnam ay tahay goob dhexdhexaad ah”.

    Feb 24, 2019, 6:32 am
  • Golaha Guurtida Somaliland oo ka Doodaya samaynta Xeerkii Lagusoo Dooran laha gole Cusub oo Guurti ah
    Golaha Guurtida Somaliland oo ka Doodaya samaynta Xeerkii Lagusoo Dooran laha gole Cusub oo Guurti ah
    Golaha Guurtida Somaliland oo ka Doodaya samaynta Xeerkii Lagusoo Dooran laha gole Cusub oo Guurti ah

    Guddoomiye ku xigeenka 1aad ee golaha guurtida Somaliland Siciid Jaamac Cali ayaa ka hadlay kulan lagu gorfaynayay Sidii Xeer loogu samayn lahaa golaha guurtida Somaliland kaas oo maalmihii ugu dambeeyay ka Socday Magaaladda Hargaysa.

    Kulankan ayaa Diiradda Lagu saarayay Sidii golaha guurtidda is badal loogu samayn lahaa madaama oo ay soo jireen wakhti dheer iyaga qaybna ku lahaa heshisiintii Beelaha Somaliland hormuudna Ka Ahaa Nabada Ka Tis-qaaday Somaliland

    Golaha guurtidu wakhti badan ayuu soo jiray oo xildhibaanadii lagu soo xulay 1997-dii ay wali joogaan lakiin wakhtigaas dheer golahu umuu fadhiyin kursi jacayl balse ay ahayd in ay dalka ka jireen xaalado badan ooduruufahooda leh iyo xeerarkii ay ku iman lahayeen kuwii badali lahaa aanay lahayn iyaga oo aanu ku dabaqayno duruufaha iyo marxaladdaha dalku soo maray awgood.Sidaas ayaa uu yidhi isaga oo la hadlay Eryal Tv

    Intaas waxa uu ku daray guddoomiye ku xigeenka 1aad ee golaha guurtidda Siciid Jaamac Cali isaga oo hadalkiisa siiwata.”Mar hadii golaha wakhtigiisii iska dhaw yahay waxa muhiim noqotay in golaha guurtidu isku hawlo sidii loo samayn lahaa xeer golahu yeesho.

    Guddoomiye ku xigeenka 1aad ee golaha guurtidda Siciid Jaamac Cali ayaa sheegay in hadda ay waddaan xeerkii lagu soo dooran lahaa golaha guurtidda cusub ee badali doona iyaga madaama oo ay wakhti badan iyagu ahayeen marka dalka kilaafyo Siyaasi ahi iyo mid kaleba ay ka dhacaan Meesha Marjaca Ah Ee Loo Noqdo.

     

    Dec 30, 2018, 4:46 am
  • CAJIIB dalka Masar Qabri Jiray 4000 oo Sanadood oo Gudihiisa lagu arkay waxyaabo layaableh
    CAJIIB dalka Masar Qabri Jiray 4000 oo Sanadood oo Gudihiisa lagu arkay waxyaabo layaableh
    CAJIIB dalka Masar Qabri Jiray 4000 oo Sanadood oo Gudihiisa lagu arkay waxyaabo layaableh

    Khubarada cilmiga dhulka ee dalka Masar ayaa shaaca ka qaaday qabri noociisa uu dhif iyo nadir yahay oo aan la taaban muddo 4,400 oo sano ah. Mostafa Waziri, oo ah xog hayaha golaha sare ee dhowrista taariikhda dadkii hore, ayaa helitaanka qabrigan ku qeexay “Mid ka mid ah kuwii ugu xiisaha badnaa ee la ogaaday tobannaankii sano ee la soo dhaafay”.

    Qabrigan oo sida loo sameeyay ay aad cajiib u tahay ayaa laga helay Ahraamta Saqqara ee u dhow magaalada Qaahira ee caasimadda dalka Masar.

    Waxaa ka buuxay sawir gacmeedyo midabbo kala duwan leh iyo taallooyin muujinaya qaar ka mid ah faraaciintii Masar. Waxyaabaha lagu xardhay hareeraha Qabrigan ayaa lagu muujiyay qofka ku aasan, oo ah Baadari ka tirsanaa boqortooyada xilligaas Masar ka talineysay, kaasoo lagu magacaabi jiray Wahtye. Sidoo kale waxaa halkaas lagu arkay sawirrada laga sameeyay hooyadiis, xaaskiisa iyo qaraabadiisa kale.

    Khubarada ayaa qodista qabrigan billaabi doona 16-ka bishan Diseembar, oo ku beegan maanta, waxayna filayaan in la helo waxyaabo dheeraad ah oo horseedi kara taariikh kale.

    Waxyaabaha la rajeynayo in la helo waxaa ka mid ah naxashka dhagaxa ka sameysan ee uu ku jiro meydka ninkaasi.

    Waa kuwan qaar ka mid ah waxyaabihii lagu arkay goobtaas.

    Dec 16, 2018, 12:22 pm
  • Dibadbaxyo hareeyay Addis Ababa kaddib markii la dilay 23 qof
    Dibadbaxyo hareeyay Addis Ababa kaddib markii la dilay 23 qof
    Dibadbaxyo hareeyay Addis Ababa kaddib markii la dilay 23 qof

    Dibadbaxyo xooggan ayaa ka dhacay magaalada Addis Ababa ee dalka Itoobiya, waxaana la xiray goobaha ganacsiga kaddib markii dad caraysan ay dhigeen dibadbaxyo ay kaga soo horjeedaan dilka 23 qof kaddib markii dhawaan ay rabshado ka dhaceen duleedka magaalada Addis Ababa.

    Dibadbaxyaasha ayaa dowladda Itoobiya ka codsanayay inay ilaaliso ammaanka shacabka gaar ahaan qowmiyadaha laga tiro badanyahay kuwaaso sheegay in la bartilmaameedsaday.

    Kumannaan shacab ah ayaa hoy ka dhigtay Iskuulo ku yaalla dalkaasi kaddib markii dhawaan ay rabshado hareeyeen degmada Burayu oo dhacdo waqooy galbeed magaalada Addis Ababa.

    Rabshadaha ayaa ka dambeeyay , isu soo bixi lagu soo dhawaynayay Sabtidii hoggaamiyaha Jabhadda Xoreynta Oromada.

    Ururka OLF ayaa in muddo ah ku kacsanaa dowladda balse ra’iisul wasaare Abiy Axmed ayaa liiska argagixisada ka saaray islamarkaasna ugu baaqay gogosha nabadda.

    “ Dhalinyaro caraysan oo kasoo jeedo Oromada ayaa kusoo xoomay halkan degmada Ashwa Meda, weerar ayay nagu soo qaadeen, waxayna dhac u gaysteen ganacsigeena iyagoo ku qaylinaya “Ka baxa dhulkeena” Sidaas waxaa wakaaladda wararka ee Reuters u sheegay Xasan Ibraahim oo ah ganacasde degan Ashwa Meda.

    Alemayehu Ejigu oo ah madaxa booliska gobolka Oromada ayaa xaqiijiyay in 23 qof lagu dilay halkaasi, wuxuuna sheegay inay xabsiga u taxaabeen in ka badan 70 qof oo lala xiriirinayo rabshadaha.

    Sep 17, 2018, 12:23 pm
  • Kenya oo si caro leh uga jawaabtay garoonkeeda oo lala barbardhigay Soomaaliya
    Kenya oo si caro leh uga jawaabtay garoonkeeda oo lala barbardhigay Soomaaliya
    Kenya oo si caro leh uga jawaabtay garoonkeeda oo lala barbardhigay Soomaaliya

    Kenya ayaa ka carootay in garoonkeeda caalamiga ah ee Nairobi lala barbadhigay Soomaaliya waxayna dalbatay raaligelin.

    Hadalka waxaa toddobaadkii la soo dhaafay jeediyay guddoomiyaha dallada shirkada diyaaradaha ee Australia kaddib markii shirkadda dulimaadka Qantas lagu khasbay diyaaradeeda inay bixiso $18,000 oo ganaax ah maadama ay si aan qorsheysnayn uga dagtay garoon ku yaalla dalka Australia.

    Diyaaradda ayaa loo weeciyay garoonka Canberra oo ay muddo 8 daqiiqo ah ku sugneyd, maadaama ay hawada ay ku duuleysay xumeyd.

    Mr. Graeme Samuel, oo ah guddoomiyaha waaxda oo ka hadlayay kulan ku saabsanaa duulimaadyada oo Australia ka dhacay ayaa ka carooday ganaaxa diyaaradda lagu soo rogay, isagoo yiri:

    “Diyaarad si aan qorsheysnayn uga dagtay garoon ayaa lagu horgooyay gaari si aysan u duulin laguna khasbay inay $18,000 bixiso. Ma qiyaasi kara meel dunida ka mid ah oo arrintan oo kale ay ka dhici karto, malaha marka laga reebo Soomaaliya iyo Nairobi”, ayuu yiri Samuel.

    Samuel ayaa intaasi ku daray in arrintaa lagu matali kara dhaqanka burcad badeedda Soomaalida oo kali ah.

    Safiirka Kenya u fadhiya dalka Australia ayaa warqad cabsho ah u qoray wasaaradda arrimaha dibedda ee Australia, wuxuuna caro ka muujiyay arrintan wuxuuna sheegay “inay nasiib darro tahay in garoonka sida wayn loo qaddariyo ee Jomo Kenyatta aan lagu matali karin dhaqanka burcad badeedda.”

    Wuxuuna sheegay in ”Kenya ay kumanaan ciidan u dirtay Soomaaliya si ay gacan u gystaan soo celinta nabadda dal ay dunida inteeda badan xaaladiisa iska indha tirtay’.’

    Graeme Samuel ayaa markiiba raalgelin ka bixiyay dhacdadaasi, wuxuuna sheegay inuusan u gol lahayn inuu xummaan u soo jiido garoonka Kenya.

    Warqad uu u qoray safaaradda Kenya ee Australia ayaa ku sheegay inay wax ka khaldanaayeen xulashada erayadiisa.

    Jun 7, 2018, 2:46 am
  • Deg Deg, Wasiirka warfaafinta jamhuuriyada somaliland oo ka hadlay weerarka  xukuumada xamar kusoo qaaday saaka lixdii fadhiyada ciidamada somaliland ee tukaraq
    Deg Deg, Wasiirka warfaafinta jamhuuriyada somaliland oo ka hadlay weerarka xukuumada xamar kusoo qaaday saaka lixdii fadhiyada ciidamada somaliland ee tukaraq
    Deg Deg, Wasiirka warfaafinta jamhuuriyada somaliland oo ka hadlay weerarka  xukuumada xamar kusoo qaaday saaka lixdii fadhiyada ciidamada somaliland ee tukaraq

    Wasiirka Warfaafinta Jamhuuriyadda Somaliland Md. Cabdiraxmaan Cabdillaahi Faarax (Guri-barwaaqo) ayaa oo la hadlay Wakaaladda Wararka Somaliland ee SOLNA ayaa sheegay in Maamulka Soomaliya ee Puntland weerar lixdii subaxnimo ku soo qaadeen Ciidammada Jamhuuriyadda Somaliland ee jiida hore ee gobolka Sool.

    “Saaka Abaaro lixdii Aroornimo ayaa  ciidammada cago-jiidka ah ee maamulka Farmaajo uu mar kale isku dayay inuu weerar ku soo qaado xuduudaha iyo ciidammada Somaliland ee fadhigiisu yahay Tukaraq, marnaba looma fadhiyin in dawlad Islaam ahi ama dad muslim ahi dad muslim ah xilliyada caynkaasi ah oo bishii barakaysnayd aynu jirno ay weerar ku qaadaan dhimasho iyo dhaawacba dhinac walba ka gaystaan,”ayuu yidhi Wasiirka Warfaafinta.

    Wasiir Cabdiraxmaan Guri-barwaaqo wuxuu sheegay in Soomaaliya

    ku jabtay weerarkii ay soo qaadeen, waxaanu yidhi;  “Hase yeeshee iyagoo mar kale is leh ka faa’iidaysta duufaannadii Somaliland ka dhacay ee ay dadwaynaha iyo dawladda Somaliland ku mashquulsan yihiin sidii loo samato saari lahaayeen sidii loo samatabixin lahaa dadkii ay dhibaatadu soo gaadhay ayay arrintaasi isku dayeen  oo ay Ciidammada Puntland saddex meelood weerar ka soo qaadeen Ciidamada Jamhuuriyadda Somaliland,saddexdiiba waa lagu jabiyey guushana waxa leh Jamhuuriyadda Somaliland.”

    May 24, 2018, 8:12 am