Biyo Guure News

Warar
Wafti Iskugu Jira Wasiiro Iyo Saraakiil Ciidanka Qaranka Ka Tirsan Oo Jabuuti Gaadhay
Wafti Iskugu Jira Wasiiro Iyo Saraakiil Ciidanka Qaranka Ka Tirsan Oo Jabuuti Gaadhay
8 hours ago

Wafti Culus oo Uu Hogaaminayo Wasiirka Gashaan-dhiga Jamhuuriyadda somaliland Cabdi Qani Maxamuud Caateeye (Fariid)Ayaa maanta gaadhay Waddanka Jabuuti taas oo si meeqaan sare ahna isaga iyo waftigiisa loogu soo dhaweeyay. Waftigan wasiirka ayaa waxa ay ka koobnayeen Abaan-Duulaha Ciidanka qaranka Somaliland,Taliyaha Hogaanka Madaafiicda Qaranka,Madax Caafimaadka ee wasaarada gashaan-dhiga iyo saraakiil […]

  • Wafti Iskugu Jira Wasiiro Iyo Saraakiil Ciidanka Qaranka Ka Tirsan Oo Jabuuti Gaadhay
    Wafti Iskugu Jira Wasiiro Iyo Saraakiil Ciidanka Qaranka Ka Tirsan Oo Jabuuti Gaadhay
    Wafti Iskugu Jira Wasiiro Iyo Saraakiil Ciidanka Qaranka Ka Tirsan Oo Jabuuti Gaadhay

    Wafti Culus oo Uu Hogaaminayo Wasiirka Gashaan-dhiga Jamhuuriyadda somaliland Cabdi Qani Maxamuud Caateeye (Fariid)Ayaa maanta gaadhay Waddanka Jabuuti taas oo si meeqaan sare ahna isaga iyo waftigiisa loogu soo dhaweeyay.

    Waftigan wasiirka ayaa waxa ay ka koobnayeen Abaan-Duulaha Ciidanka qaranka Somaliland,Taliyaha Hogaanka Madaafiicda Qaranka,Madax Caafimaadka ee wasaarada gashaan-dhiga iyo saraakiil ciidan oo kale kuwaas oo waddanka jabuuti u tagay hawlaha shaqo oo xaga ciidanka ah.

    Waftigan ayaa waxa Garoonka Diyaaraddaha Ee Waddanka Jabuuti ku qaabilay Danjiraha Somaliland U Fadhiya Waddanka Jabuuti Ambasatoor Cabdi Fataax Siciid Axmed,Wasiir ku xigeenka wasaarada gashaan-dhiga Jabuuti,La Taliyaha Wasiirka Gashaan-dhiga Jabuuti,Taliyaha Ilaaladda Madaxtooyadda Jabuuti,Xildhibaano ka Socda Mucaaradka iyo Muxaafidka Jabuuti Iyo Masuuliyiin kale oo culus,waxaana ay waftigan u soo dhaweyeen si maamuus iyo milgo walaaltinimo ku dheehan yahay.

    Wasiirka Gashaan-dhiga Somaliland Cabdi Qani Maxamuud Caateeye Fariid Ayaa inta ay waftigan uu hogaaminayaan ay ku sugan yihiin waddanka jabuuti waxa ay kulamo la yeelan doonaan wasiiradda iyo ciidanka dhigooda ah kuwaas oo ay ka wada hadli doonaan qodobo muhiim ah.

    Waddanka Jabuuti Iyo Dalka Somaliland ayaa waxa ka dhaxeeya xidhiidh fiican oo xaga milatariga ah kuwaas oo somaliland iyo jabuuti ay ka wadda shaqeeyaan xaga amaanka iyo sugida xuduuda labadda wadan u dhaxaysa.

     

    Jul 22, 2019, 5:55 pm
  • Gabadh Ay Walaalo Yihiin Madaxweyne Obama Oo Hargeysa Soo Gaadhey
    Gabadh Ay Walaalo Yihiin Madaxweyne Obama Oo Hargeysa Soo Gaadhey
    Gabadh Ay Walaalo Yihiin Madaxweyne Obama Oo Hargeysa Soo Gaadhey

    Dr. Auma Obama oo ay walaalo yihiin Madaxweynihii hore ee Maraykanka Mr. Barak Obama ayaa ka mid ah martida sannadkan ee carwada buugaagta Hargeysa oo ay qabato sannadkiiba hal mar xarunta dhaqanka ee Hargeysa.

    Dr. Auma oo ah qoraa, saxafiyad iyo shakhsiyad caan ah oo u dhalatay dalka Kenya ayuu socdaalkeedani noqonayaa kii u horeeyay ee ay ku timaado Somaliland, waxaana sannadkan soo martiqaaday xarunta dhaqanka ee Hargeysa. Dr. Auma Obama ayaa shalay khudbad ka jeedisay madasha oo uu furitaankeedu shalay ahaa.

    Madaxweyne Muuse Biixi Cabdi, ayaa martida sannadkan ka soo qayb gashay carwada waxa uu habeen hore ku soo dhaweeyay casho sharaf.

    Dr. Auma Obama waxa ay ku celcelisey in sida kaliya ee Afrika ay kaga baxayso dhibka ay tahay in ay u fekerto Afrikaan ah, xalku in uu gudaha ka yimaaddo, kana madax bannaanno in debedda la innaga daweeyo oo dhibkeenna xalka looga doono in uu debedda ka yimaaddo.

    Waxa ay tidhi:

    “Waa in ay beddelno fekerka ah inaynu ku noolaano deeq la inna siiyo iyo cid inna hormarisa, waayo cidina bilaash kuu horumarinayso. Fiqiirnimada aan ku noolnahay waa inaynu aqbalnaa oo aynu dedaalkeenna kaga baxnaa, oo aanayu ku xisaabtamin cid innaga saarta.”

    “Kuwa ka imanaya China, Europe ama America wax aan u arkaa kuwa u yimi qaaraddeena in ay ka arkaan fursado uga bannaanada dadkooda, shirkadohooda amase arrimahooda gudaha ee siyaasadeed ama degganaansho. Waxa ay u hanqaltaagayaanaa macdanteenna, midheheenna, xooggeena, taasina waxba kagama duwana sidii xilligii gumaysiga.”

    “Afrika waxa loola dhaqmaa oo adduunku u arkaa sidii ay tahay waddan kaliya. Waa in aynu taa ka dhiidhinaa oo u sheegnaa in Afrika aanay ahayn dal ee ay tahay qaarad, waa inay arkaan, maqlaan oo fahmaan in markaan ku daro Somaliland oo madaxbannaan, ay ka kooban tahay 55 dal oo mid kastaa leeyahay dhaqankiisa, ahaanshihiisa iyo dabeecadihiisa u gaarka ah”

     

    Jul 22, 2019, 11:14 am
  • Askari bashiir Cumar oo 41 kun oo doolar Hellay Laakiin Dibi Ugu Celiyay Qofkii lahaa
    Askari bashiir Cumar oo 41 kun oo doolar Hellay Laakiin Dibi Ugu Celiyay Qofkii lahaa
    Askari bashiir Cumar oo 41 kun oo doolar Hellay Laakiin Dibi Ugu Celiyay Qofkii lahaa

    Askari ka tirsan ciidammada cirka ee dalka Nigeria ayaa boorso ay ku jirto lacag gaareyso 41,500 oo doolar dib ugu celiyay dadkii iska lahaa lacagtaas, sida uu sheegay askarigan.

    Bashiir Cumar waxaa uu kamid yahay ciidammada cirka ee dalka Nigeria, waxaa uu kamid ahaa saraakiishii loo daadgureeyay garoonka diyaaradaha ee ku yaalla magalaada Kano ee waqooyiga dalkaas si ay amniga u sugaan.

    Ciidammada cirka waxay sheegeen inuu roonddo ka sameynayay garoonka isaga iyo ciidammo kale markii uu helay boorso lacag ah.

    Markii uu gacanta ku dhigay waxaa uu dib u wacay dadkii iska lahaa boorsaddaas si uu dib ugu celiyo.

    Ciidammada waxay sheegeen in Cumar Bashiir abaal marin la guddoonsiin doono si loo dhiirogeliyo saraakiisha kale ee tallaabada noocan ah ku dhaqaaaqo.

    Bishii Agosto ayay aheyd markii saraakiisha garoonka diyaaradaha ee Lagos ay abaal marin guddoonsiiyeen labo kamid ah saraakiisha ku sugneyd halkaas kuwaas oo dib u celiyay lacago badan dadkii ay ka luntay.

    Jul 22, 2019, 11:07 am
  • Wasiirka maaliyadda Kenya oo la xiray
    Wasiirka maaliyadda Kenya oo la xiray
    Wasiirka maaliyadda Kenya oo la xiray

    Wasiirka maaliyadda dalka Kenya, Henry Rotich ayaa la xiray, waxaa uu isu dhiibay booliska kaddib markii uu dacwad oogaha guud shaaciyay in wasiirka maaliyadda uu wajahayo eedeymo musuqmaasuq oo la xiriira dhismaha laba biyo xireen.

    Dacwad oogaha guud, Nuradin Maxamed Yuusuf Xaaji, ayaa sheegay in Mr Rotich uu baalmaray hannaanka bixinta qandaraasyada kadib markii uu qandaraas malaayiin dollar ah uu siiyay shirkad dhismaha ah oo laga leeyahay Talyaaniga.

    Nuradin ayaa sidoo kale baaritaan ku samaynaya qaabka lacagta qandaraaska loogu kordhiyay 170 milyan oo dollar oo ka baxsan lacagtii hore ee la kala sixiixday.

    Dacwad oogaha ayaa sheegay in lacagtaasi si sharci darro ah lagu bixiyay oo ay iska kaashadeen mas’uuliyiin dowladda ka tirsan iyo shakhsiyaad rayid ah.

    Jul 22, 2019, 10:59 am
  • Wargeyska The EastAfrican “Somaliland Waxay Rabtaa Aqoonsi Xataa Haddii aanay Muqdisho Aqlabayn”
    Wargeyska The EastAfrican “Somaliland Waxay Rabtaa Aqoonsi Xataa Haddii aanay Muqdisho Aqlabayn”
    Wargeyska The EastAfrican “Somaliland Waxay Rabtaa Aqoonsi Xataa Haddii aanay Muqdisho Aqlabayn”

    Wargeyska Toddobaadlaha ah ee The EastAfrican oo mataanno la ah Warsidaha

    The Nation ee ka soo baxa Magaalada Nairobi ayaa maanta warbixin  ka qoray dedaalka aqoonsi raadinta ee ay wado  dawladda Jamhuuriyadda Somaliland.

     

    Wakaaladda Wararka Somaliland ee SOLNA, ayaa soo xigatay warbixinta Wargeyska The EastAfrican oo ciwaan looga dhigay “Somaliland waxay rabtaa aqoonsi xataa haddii aanay Muqdisho aqlabayn.”

    Wargeysku wuxuu warbixintiisa ku bilaabay  in caasimadda Hargeysa ay duqeeyeen diyaaradihii noocoodu ahaa MiG  ee  uu lahaa kaligii taliyihii Maxamed Siyaad Barre  ee Soomaaliya oo   xasuuqay  dadkii ka soo horjeeday  31 sannadood ka hor. Waxaanu warsiduhu intaas ku daray in Madaxweyne Muuse Biixi oo hore  u ahaan jiray duuliye ka tirsanaa Millatarigii Soomaaliya uu xiligan hoggaaminayo dedaalka ictiraaf raadinta iyo madax-bannaanida Somaliland.

    Wargeysku wuxuu  intaas raaciyey  Wasaaradda Arrimaha Dibadda JSL ay toddobaadkan  shaacisay inay sii wadayso halganka Somaliland ugu jirto aqoonsi-raadinta, haddii ay Soomaaliya jeclaysanayso iyo haddii kaleba.

    Wasiirka Arrimaha Dibadda iyo iskaashiga caalamiga ah ee JSL Prof. Yaasiin Xaaji Maxamuud Xiir (Faratoon) ayaa sheegay in aanay  cidna la-hayste u noqon doonin. “Dawladda Somaliland waxay ogolaatay inaanu  xidhiidh ka yeelanno  Soomaaliya oo aanu ka wada shaqeyno  sidii  aanu  iskaashi uga yeelan lahaayeen arrimaha Mandaqada, hase ahaatee cidna uma noqonayno   la-hayste,”ayuu yidhi Wasiirka Arrimaha Dibaddu.

    Wargeyska The EastAfrican wuxuu sheegay in Somaliland jawaab adag kala hortimid Guddidii uu wadahadalka u magacaabay Madaxweynaha Soomaaliya Maxamed Cabdilaahi Farmaajo oo ay ku tilmaantay mid ay ku jiraan dambiileyaal dagaal oo aanay marna hor fadhiisan doonin.

    Wakiilka Somaliland u qaabilsan dalka UK, Ayaan Maxamuud Cashuur ayaa sheegtay  in Soomaaliya ay ku xadgudubtay  qorshihii wadahadalka.

    Ayaan Maxamuud waxay caddaysay in wadahadallada Somaliland iyo Soomaaliya ee Turkiga ka qabsoomay  ay burbureen  laba sanno ka hor, markii Soomaaliya ay  ergadii ka socotay  ku soo dartay dad asal ahaan ka soo jeeda Somaliland.

    Wakiilka Somaliland ee UK waxa kaloo ay   ku eedaysay  Madaxweynaha dawladda itaalka daran ee Soomaaliya in Guddida uu magacaabay uga ujeeddo inuu afka uun ka maqashiiyo beesha caalamka.

    Cumar Maxamed Faarax

    Jul 22, 2019, 10:54 am
  • Maxa Sababay Qiimaha batroolka oo kor u kacay
    Maxa Sababay Qiimaha batroolka oo kor u kacay
    Maxa Sababay Qiimaha batroolka oo kor u kacay

    Shidaalkanooca  Batroolka ah oo maalmihii u danbeeyay kor uu u kacay qiimihiisu,

    Maalmahan u danbeeyay waxaa kor u kacay qiimaha shidaalka khaasatan batroolka oo   magaalooyinka Somaliland qaarkood gaadhay halkii Litir  hal Doolar iyo sanaaati,

    Shirkadaha  wadanka shidaalka Keena  oo aanu qaarkood la xidhiidhnay masuuliyiintooda ayaa HWN u xaqiijiyay in Kor ukacan Qiimaha Shidaalka  Khaasatan batroolka u sababay  kala Go ku Yimid Shidaalkii wadanka Imman Jiray sababtoo ah  ayay sheegeen in tangaradii  shidaalka  keeni jiray  xiligii qorshahu aha aay dib uga dhaceen , waxaana la filayaa ayaay yidhahdeen  bishan julaay 25 kii ugu horeeyay uu iman doono sida waxaa yidhi mid kamida masuuliyiinta  shirkadaha keena shidaalka oo aan doonayan in magaciisa la sheego

     

    Qimaha foostada batroolka ah aya awal ahayd 138 illaa 140,  Halka uu qiimuhu gaadhay 147 illaa 150 doolar  shidaalka laga soo iibsadao Hamaha ee shirkadahu leeyihiin, iyadoo wararka qaarkoodna tibaaxayaan in 160 doolar aay gaadhay foostada batroolka ah,

    Kaalamha Berbera ayaana litirkii ku iibiya xiligan 7600 oo Somaliland shilling ah halka uu labo wig ka hor ahaa halka litir 6800 somaliland shilling,

    Dabcana magaalooyinka qaarkood sida burco halkii litir wuxuu gadhay 8500 somaliland shilig ah

    Naaftada ayan qiimaheedu kicin oo halkii foosto waxaa lagaga soo iibsada hamaha shidaalka 116 illaa 118 doolar

    Dhanka kale Mid kamida Mulkiilayasha kalamha shidaalka berber ayaa  sheegay in masuuliyiinta dawlada e haamaha shidaalku  si wanagsan ay u maamuleen una qorsheeyeen shidaalka kaydka ah eek u jira haamaha  berbera  waxaanay kaantarooleen  iibkii kaalmaha e shidaalka    iyadoo kaalintiiba loo ogol yahay in aay maalintii qaadato 10 foosto oo batroola, Arinkan ayaana  wax badan hoos u dhigay qiimihii cirka  isku shareeri laha maadama kaalin waliba  aay heshay batrool aay iibiso,

    Inta badan shirkadaha shidaalka keena Somaliland  isku qiimo maaha oo shirkad waliba qiimaha aay kusoo hesho shidaalka  ayaay ku jartaa sicir kiisa, sida hada muuqatana in ku dhow %38 ama %40 aya ku kordhay qiimaha foostada shidaalka ah marka aay sii tafaariiqaynayaan kaalmuhu, waana arin layaableh foosto shidala oo intaa korodhaa, waxana marag madoon ah in kaalintii ama doorkii wasarada ganacsigu ka maqan yahay meesha waayo waxay xadidilahaayeen sicir bararkaa lagu samaynayo shidaalka,

     

    Hadaba waxaana dhacda marka qul qulatooyin aay ka dhacaaan bariga dhexe iyo wadmada khaliijkaba  inta badan qiimaha shidaalku kor ayuu u kacaa waxaana laga yaabaa xasarada ka dhex oogan maraykanka iyo jamhuuriyada Iiraan in ay keento ganacsiga oo  yarada dhinckastaba  khaasatan  shidaalka  oo daruuri  ka noqday dunida casriga ah,

    Jul 22, 2019, 4:04 am
  • Wargeyska caanka ah ee The Indian Ocean oo daabacay in wadhadal hoose u socdo dawlada somaliland iyo dublamaasiyyin ruush ah, yaase ka shaqeeyay
    Wargeyska caanka ah ee The Indian Ocean oo daabacay in wadhadal hoose u socdo dawlada somaliland iyo dublamaasiyyin ruush ah, yaase ka shaqeeyay
    Wargeyska caanka ah ee The Indian Ocean oo daabacay in wadhadal hoose u socdo dawlada somaliland iyo dublamaasiyyin ruush ah, yaase ka shaqeeyay

    Wargeyska caanka ah ee The Indian Ocean  ayaa cadadkiisii shalay wuxuu baahiyay qormo ku saabsan xidhiidh u socda dawladda Somaliland iyo dawladda Ruushka, kaas oo uu ka shaqaynayo madaxweynaha dala Guinea Alpha Conde.

    Wargeysku wuxuu sheegay in Madaxweyne Biixi markii uu horraantii bishan la kulmay madaxweynaha Guinea  Alpha Conde ay isla soo qaadeen xidhiidh dhexmara Ruushka iyo Somaliland iyo in Somaliland saldhig milateri siiso dalka Ruushka.

    Wargeysku wuxuu sheegay in madaxweyne Alpha Conde uu madaxweyne Biixi ku dhiirigeliyay inuu xidhiidh dhow la yeesho madaxweynaha Ruushka Vladimir putin.

    Wargeysku wuxuu intaas raaciyay  in Mr. Zhogng Jianhua oo ahaa wakiilkii dawladda China u qaabilsanaa  arimaha Afrika sannadihii 2012-2016 oo uu sheegay inuu hadda yahay  la taliyaha madaxweynaha Ruushka ee arrimaha Afrika uu muddooyinkii u danbeeyay xidhiidh is daba jooga la lahaa madaxweyne Biixi si uu ugu qalqaaliyo inuu aqbalo in Ruushku saldhig milateri ku yeesho Somaliland.

    Ruushka oo hore iskugu dayay inuu saldhigyo ka samaysto Sudan, Erateria iyo Djabuuti inuu hadda u muuqdo inuu Somaliland u soo guurayo oo uu qorshaynayo inuu saldhig ka samaysto deegaanka Saylac.

    Wargeysku waxa kale oo uu sheegay in xukuumadda Conakry ee dalka Guinea  ay tallaabooyinka danta u ah Somaliland qaaday markii ay aragtay dalal kale oo Midawga Afrika ka tirsan oo indhaha ku haya Somaliland.

    Madaxweyne Alpha conde ayaa sida wargeysku sheegay wuxuu dawladda itoobiya u tilmaamay in dalalka Senegal iyo Niger ay taageersan yihiin qadiyadda Somaliland oo ay taageeri doonaan mooshin dan u ah qadiyadda madax bannaanida Somaliland.

    Wargeysku wuxuu tilmaamay in dalalkani ay dedaaladoodan siyaadadeed iyo milateri uga dan leeyihiin fursado ganacsi oo u muuqda.

    Wargeysku wuxuu intaas ku daray in madaxweyne Biixi intuu uu socdaalka ku joogay dalka Guinea uu booqday dhowr xarumood oo ah kuwa macdanta.

    The Indian Ocean Newsletter ayaa soo hadal qaaday in dawladda Soomaaliya ay xidhiidhka u jartay dalka Guinea ka dib markii uu dalka Guinea soo dhawayn iyo qaabilaad u sameeyay Madaxweyne Biixi islamarkaana ay kulmeen Madaxweyne Biixi iyo madaxweyne Alpha Conde.

     

     

    Sources Wargeyska Geeska Afrika

    Jul 21, 2019, 7:13 pm
  • Wasiirka Ganacsiga Oo Saxeexay Siyaasad Saamaynaysa Dhaqaalaha Somaliland
    Wasiirka Ganacsiga Oo Saxeexay Siyaasad Saamaynaysa Dhaqaalaha Somaliland
    Wasiirka Ganacsiga Oo Saxeexay Siyaasad Saamaynaysa Dhaqaalaha Somaliland

    Wasiirka Wasaaradda Ganacsiga, Warshadaha iyo Dalxiiska JSL Mudane Maxamuud Xasan Sacad (Saajin) ayaa si rasmiya u saxeexay Siyaasadda Meharadaha Wadhatada , Yaryar iyo Dhexe oo looyaqaanno sidoo kale MSME Policy. Siyaasaddan ayaa ay dhawaan golaha Wasiiraddu ansixiyeen si ay wax uga qabato dhaqaalaha Somaliland ee il-kaliyaalaha ku tiirsan Xoolaha nool oo kaliya.

    Qoraal uu Wasiirka Ganacsiga, Warshadaha iyo Dalxiisku horudhac uga dhigay Siyaasaddan ayaa u dhignaa sidan soo socota :

    Meheradaha Wadhatada, Yaryar, iyo Dhexe (MWYDH) waxay ka koobanyihiin dhammaan qaybaha kala duwan ee dhaqaalaha, waxayna sameeyaan ilaha ugu balaadhan ee shaqaaleynta iyo hanti-abuurka sida ku cad Qorshaha Horumarinta Qaranka II.

    Horumarinta Meheradaha noocan ah (MWYDH) ayaa loo arkaa inay kamidyihiin hababka joogtada ah ee loo isticmaali karo inay yareeyaan saboolnimada iyo hagaajinta tayada nolosha qoysaska. Kaalinta MWYDH ee horumarinta dhaqaalaha joogtada ah ayaa hadda loo aqoonsan yahay inay yihiin kuwa ugu firfircoon qaybaha kala duwan ee dhaqaalaha, waxayna soo bandhigaan fursado lagu xaqiijinayo horumar ballaaran oo loo dhanyahay. Meheradahani waxay fududeeyeen ka qaybqaadashada dhaqalaaha ee kooxaha laga faquuqay horumarka dhaqaalaha wadanka , sida dumarka iyo dhalinyarada iyagoo u fura fursado intii hore ka badan, iyo iyagoo dhanka kale taageera koritaanka deegaanada ka hadhay koboca dhaqaalaha wadanka intiisa kale.

    Hadaba, Wasaaradda Ganacsiga, Warshadaha iyo Dalxiisku waxay diyaarinaysaa qaab-fulineed dhamaystiran oo xaqiijinaya hirgalinta saxda ah ee siyaasaddan, iyada oo sidoo kale ay kaqayb qaadanayaan dhammaan dhinacyada daneeyayaasha ah ee ku lugta leh hirgalinta siyaasaddan.

    Waxaan aad uga mahad celinayaa doorka ay ka qaateen Hay’adaha Dawliga ah, Ganacsatada iyo saaxiibadeena dhanka horumarka dhamaystirka siyaasaddan.

    Ugu dambeyntii, waxaan u mahad celinayaa masuuiyiinta Wasaaradda Ganacsiga, Warshadaha iyo Dalxiiska sida wanaagsan ee ay u hogaaminayeen geeddi-socodka dhamaystirka siyaaasadda.

    Jul 21, 2019, 7:02 pm
  • Atoore caan ah oo la toorriyeeyay isagoo masraxa taagan
    Atoore caan ah oo la toorriyeeyay isagoo masraxa taagan
    Atoore caan ah oo la toorriyeeyay isagoo masraxa taagan

    ilaaga iyo filim soo saaraha u dhashay Hong Kong ee lagu magacaabo Simon Yam ayaa toorri lala dhacay isagoo masrax kula hadlaya dadweyne isugu yimid munaasabad ka dhacday dalka Shiinaha.

    Xiddigan caanka ah, oo kasoo muuqday filimo abaalmarinno ku guuleystay, ayaa marka ay arrintan dhaceysay ku sugnaa magaalada Zhongshan.

    Muuqaal lagu shaaciyay barta xiriirka bulshada ee Twitter-ka ayaa muujiyay nin masraxa dhankiisa soo aaday oo kaddibna weerar ku qaaday atooraha.

    Hase yeeshee, maamulaha Mr Yam ayaa sheegay in dhaawacyada jilaaga gaaray aysan ahayn kuwo naftiisa khatar galinaya, isla markiina la dhigay isbitaalka.

    “Waxaa toorrida dhowr jeer looga dhuftay caloosha iyo garabka, balse marna ma uusan miyir beelin”, waxaa sidaas yiri Lester Mo Gee-man oo la hadlayay wargeys kasoo baxa Shiinaha.

    Isagoo hadalkiisa sii wata ayuu intaas ku daray: “Baaritaanno hordhac ah oo la sameeyay ayaa muujiyay in dhaawacyada soo gaaray aysan ahayn kuwo halis ah laakiin dhakhaatiirtu waxaysan wali go’aan ka gaarin inay qalliin ku sameeyaan iyo inkale”.

    Jilaaga 64 jirka ah ayaa Sabtidii marka uu weerarkan dhacayay ka qeyb galayay xafladda fulitaanka ganacsi cusub oo laga hirgaliyay magaalada Zhongshan.

    Muuqaalka la shaaciyay ayaa laga arkay nin si deg deg ah masraxa ku fuulay islamarkiina mindi ula soo baxay jilaaga, kahor inta uusan la dhicin.

    Ciidamada ilaalada ah ee goobta ku sugnaa ayaa markiiba faragalin ku sameeyay, waxayna xabsiga u taxaabeen qofka weerarka geystay, sida ay booliska sheegeen.

    Muuqaal kale oo ku wareegaya baraha bulshada ayaa lagu arkay Mr Yam oo caloosha ku heysta gacmaha, isagoo codsanaya in isbitaal loola cararo.

    Ilaa iyo hadda lama oga sababta weerarka loogu qaaday jilaaga.

    Atoorahan ayaa xirfaddiisa jilista filimada billaabay kaddib markii uu in muddo ah ahaa dadka dharka xayeysiiya.

    Waxa uu soo jilay filimo laga daba dhacay oo ku baxay luqadda Shiineyska.

    Ugu dambeyn waxa uu ku biiray shirkadda ugu weyn dhinaca filimada ee Hollywood sanadkii 2003-dii.

    Filimkiisii ugu horreeyay ee uu Hollywoodka ku daahfuray wuxuu ahaa Lara Croft.

    Jul 21, 2019, 6:53 pm