Biyo Guure News

Warar
  • Xogta Tv Aljasiira oo sheegtay in musuq maasuq ku jiray heshiiska  dp  world iyo xukuumadii siilaanyo
    Xogta Tv Aljasiira oo sheegtay in musuq maasuq ku jiray heshiiska dp world iyo xukuumadii siilaanyo
    Xogta Tv Aljasiira oo sheegtay in musuq maasuq ku jiray heshiiska  dp  world iyo xukuumadii siilaanyo

    Fadeexad culus oo ku soo baxday Qoyska Siilaanyo & Baashe Morgan oo la baahiyey+Dacwad Qaramada Midoobay loo gudbiyey

    Telefishanka Aljazeera ayaa soo diyaariyey warbixin muddo badan laga soo shaqeenayey oo ku saabsan dagaalka Dekadaha ee ka socdo Geeska Africa.

    Warbixintaan oo ka baxday Telefishanka Aljazeera ayaa lagu soo bandhigay waxyaabo badan oo qarsoonaa kuna saabsan dagaalka dhanka Dekadaha Geeska Africa ee u dhaxeeyo dalalka Imaaraadka, Shiinaha, Turkiga iyo Dowlado kale oo waaweyn.

    Al-Jazeera ayaa Barnaamijkaan ugu magac dartay ”Almasaafa Sifir”, wuxuuna barnaamijkaan si gaar ah uga hadlay Loolanka DP Word iyo Dowladda Jabuuti kaasoo keenay in ugu dambeyn DP Word laga eryo dalkaas.

    Sidoo kale barnaamijkaan ayaa ka hadlay sida ay Imaaraadka Carabta ugu suurta gashay inay heshiis kula wareegto Dekadda Berbera oo lagu bixiyey lacago Malaayiin Dollar ah.

     

    Warbixinta Al-Jazeera ayaa qoyska Silaanyo ku eedeysay inay Musuq maasuqeen lacagihii laga qaaday Imaaraadka ee heshiiskii Debadda Berbera.Waxaa warbixinta lagu sheegay inay musuq maasuqaas qeyb ka ahaayeen Silaanyo, Xaaskiisa iyo Ninka uu sodogga u yahay .

    Xaaska Siilaanyo ayaa lagu magacaabaa Aamina Waris halka ninka uu Silaanyo Soddogga u yahay isna lagu magacaabo Baashe Moorgan .

    Waxaa lagu xusay warbixinta inuu Heshiiska Dekadda Berbera  ahaa mid qarsoodi ah isla markaasna laga qariyey Baarlamaanka Somaliland.

    Baarlamaanka Somaliland ayaa loo qeybiyey qoraal Af-Soomaali ku turjuman iyadoo lagu heshiiyey inaan cidna la tusin heshiiska asalka ah, waxayna arrintaas keentay inay gacanta iskula tagaan guddoomiyihii golaha wakiilada iyo ku xigeenkiisii xilligii xukuumadii Siilaanyo.

    Al-Jazeera ayaa sheegtay in Baadhitaanka Musuq maasuqa lagu hayo Qoyska Siilaanyo loo gudbiyey guddiga dabagalka Soomaaliya iyo Eretariya ee Qaramada Midoobay.

    Heshiiska Dekadda Berbera ayaa muran weyn ka dhex abuuray Somaliland & Soomaalida dhexdeeda, wuxuuna keenay in  Soomaaliya laga mamnuuco Shirkadda DP World kadib kulan xasaasi ahaa oo ay yeesheen Baarlamaanka Somalia inkastoo aysan arrintaas hirgelin maadaama shirkadaas ay weli dhaq dhaqaaq ka wado Gudaha Somaliland & Soomaaliyaba

    xigasho qaran news

    Mar 20, 2019, 12:29 pm
  • Amnesty: Duqeymaha Mareykanka ee Somalia waxaa ku dhintay rayid
    Amnesty: Duqeymaha Mareykanka ee Somalia waxaa ku dhintay rayid
    Amnesty: Duqeymaha Mareykanka ee Somalia waxaa ku dhintay rayid

    Hey’adda xuquuqda aadanah u dooddo ee Amnesty International ayaa sheegtay in tirada duqeynmaha dhinaca cirka ah ee uu Mareykanka

     ka fuliyay Soomaaliya ay aad u korortay.

    Warbixin ay maanta oo Arbaca ah soo saartay Amnesty oo aan kasoo xigannay wakaaladda wararka AFP ayaa lagu sheegay in weeraradani oo loo adeegsado madaafiic xoog leh ay ku dhinteen dad rayid ah.

     

    Amnesty waxay sheegtay in labadi sano ee lasoo dhaafay ay diyaaradaha aanan duuliyaha laheyn ee Mareykanka ay Soomaaliya ka geysteen in ka badan 100 weerar oo cirka ah. Tiradan ayaa ka badan bay tiri hey’addani duqeymaha uu Mareykanka ka fuliyay dalalka Yemen iyo Libya labadi sano ee lasoo dhaafay.

    Warbixinta ayaa sheegaysa in baariitaanno lagu sameeyay kaliyah shank a mid ah weeraradaasi lagu ogaaday in dadka lagu dilay ay ka mid ahaayeen 14 ruux oo rayid ah. Tani ayaa dhalisay cabsi laga qabo in ay dhici karto in tiro badan oo dad rayid ah ay ku dhintaan weerarada cirka ah ee diyaaradaha dagaalka ee Mareykanka ka fuliyaan Soomaaliya.

    .Millatariga Mareykanka ayaa ku adkeystay in weerarada ay ka fuliyaan Soomaaliya aysan khasaaro kasoo gaarin rayidka.
    Duqeymaha dhinaca cirka ah ee uu Mareykanka ka fuliyo Soomaaliya ayaa bartilmaameedkoodu yahay kooxda Al Shabab ee xiriirka la leh ururka Al Qacida.

    Mar 20, 2019, 11:12 am
  • Agaasimihii Guud ee wasaarada warfafinta jamhuuriyada Somaliland oo Xabsiga la dhigay
    Agaasimihii Guud ee wasaarada warfafinta jamhuuriyada Somaliland oo Xabsiga la dhigay
    Agaasimihii Guud ee wasaarada warfafinta jamhuuriyada Somaliland oo Xabsiga la dhigay
    Agaasimihiiguud ee wasaaradda warfaafinta Somaliland Dr. Cismaan Xuseen Warsame oo is casilay shalay ayaa xalay lagu xidhay magaalada Hargaysa.

    Ilaa imika ma cada sababta rasmiga ah ee loo xidhay masuulkan shalay iska casilay xukuumada.

     

    Waxaanu ku sababeeyay is casilaadiisa arimo caafimaad, waxaanu sheegay in madaxwayne Muuse ka aqbalay codsiga is casilaada oo uu ugudbiyay.

    Waxaa maalmihii ugu dambeeyey ku jiray Wasaarada Warfaafinta Somaliland Hantidhawrka qaranka oo baadhid ka waday wasaaradaasi.

    Mar 20, 2019, 11:07 am
  • Ciidamadda Booliska Oo Xabsiga Dhigay Agaasime Kale oo baadhistii Hanti-Dhawrku Saamaysay
    Ciidamadda Booliska Oo Xabsiga Dhigay Agaasime Kale oo baadhistii Hanti-Dhawrku Saamaysay
    Ciidamadda Booliska Oo Xabsiga Dhigay Agaasime Kale oo baadhistii Hanti-Dhawrku Saamaysay

    Ciidamada booliska Somaliland ayaa maanta xabsiga u taxaabey agaasimihii Maamulka iyo Lacagta Wasaaradda Warfaafinta Somaliland Xasan Maxamuud Muxumed.

    Warar hordhac ah oo ay helaysay shabakadda caalamiga ah ee hadhwanaagnews ayaa tibaaxaya in amarka lagu xidhay uu bixiyay Hanti-Dhawrka Somaliland oo Bilihii ugu dambeeyay baadhis ka wadday Xarunta Wasaaradda Warfaafinta Oo Lag Edeeyo in ay ka dhacdo wax is-daba marin wayni.

     

    Saaka ayay ahayd iyaduna markii la xidhay agaasimihii guud ee wasaaradda warfaafinta u isagu shalay war-qadiisa is casilaadda uu gudbiyay madaxwaynaha somaliland,waxaana ay tani noqonaysaa in baadhista ay wadeen hanti-dhawrku in laga gun-gaadhay.

    Mar 20, 2019, 11:00 am
  • BBC  Madaxawyne waqti Dheer Xukunka dalkiisa hayay oo Go,aaan Adag qaatay isna Casilay,
    BBC Madaxawyne waqti Dheer Xukunka dalkiisa hayay oo Go,aaan Adag qaatay isna Casilay,
    BBC  Madaxawyne waqti Dheer Xukunka dalkiisa hayay oo Go,aaan Adag qaatay isna Casilay,

    Madaxweynaha dalka Kazakhstan Nursultan Nazarbayev, ninka keliya ee dalkaasi ka talinayay tan iyo intii uu ka baxay burburkii Midowgii Soviet horraantii 1990-meeyadii, ayaa iscasilay.

    Khudbad uu jeediyay, ayuu ku sheegay in go`aanku “uusan fududeyn” balse uu doonayo inuu caawiyo “Hoggaamiyeyaasha jiilka cusub”.

    Mr Nazarbayev, oo 78 jir ah, ayaan caqabado badan la kulmin tan iyo intii uu qabtay xukunka dalkaas saliidda qaniga ku ah, sanadkii 1989.

    Wuxuu weli madax ka sii ahaanayaa xisbiga talada haya ee dalkaasi.

    Mr Nazarbayev ayaa sheegay in guddoomiyaha aqalka sare ee baarlamaanka dalkaas, Kassym-Jomart Tokayev, uu sii heyn doono xilka madxatinnimada inta muddadiisa uga hartay ilaa bisha April, sanadka 2020.

    Waxay dad badan ka filayeen inuu mar kale isku soo taago xilka madxatinnimada.

    Iscasilaaddiisa ayaa imaaneysa toddobaadyo uun kaddib markii uu riday dowladda, isagoo sheegay inay ku guul-darreysatay horumarinta dhaqaalaha.

    Mr Nazarbayev wuxuu ahaa madaxweynaha keliya ee ay Kazakhstan yeelatay. Dad badan ayaa u haystay inuu weligii xilka hayn doono.

    Waa kuma Nazarbayev?

    Wuxuu dhashay sanadkii 1940, Mr Nazarbayev wuxuu markii hore noqday xoghayaha Xisbigii Hantiwadaagga Kazakhstan sanadkii 1989 markii dalkaasi uu ka tirsanaa Midowgii Soviet.

    Kaddib markii uu Kazakhstan xornimada qaatay, wuxuu soo noqday madaxweynihii dalkaasi, sanadihii 1999, 2005, 2011 iyo – kii ugu dambeeyay – sanadkii 2015.

    Muddadii dheereyd ee uu xilka hayay Mr Nazarbayev wuxuu xoogga saaray isbeddelka dhaqaalaha.

    Dalal badan ayaa ku eedeeyay musuqmaasuq iyo tacaddiyo baahsan oo xuquuqda aadanaha ah.

    Hase yeeshee, taageerayaashiisa ayaa abaal uga haya xasiloonida iyo nabadda uu dalkaasi ku soo dabbaalay, iyo horumarka dhaqaale ee uu dalkiisa gaarsiyay.

    Kazakhstan waxay baaxad ahaan la ektahay Galbeedka Yurub, waxayna leedahay kheyraad macdan oo badan.

    Tan iyo intii uu dalkaasi xornimada qaatay burburkii midowgii Soviet, sanadkii 1991-dii, maalgashi badan oo dhanka saliidda ah ayaa sababay inuu dalkaasi koboc badan sameeyo.

    Waxaa Kazakhstan ku nool qowmiyado kala duwan. Qowmiyadda Kazakhs ayaa ugu badan qowmiyadaha dega dalkaas, waxaana soo raaca dad Ruushka ka soo jeeda, iyo qowmiyado kale oo laga tiro badan yahay. Diinta ay dadka ugu badan haystaanna waa Islaamka.

     

    Mar 20, 2019, 4:56 am
  • Baafin:- Gudoomiyihii Xisbiga Mucaaridka Ah Ee Waddani Cabdiraxmaan Cirro
    Baafin:- Gudoomiyihii Xisbiga Mucaaridka Ah Ee Waddani Cabdiraxmaan Cirro
    Baafin:- Gudoomiyihii Xisbiga Mucaaridka Ah Ee Waddani Cabdiraxmaan Cirro

    Gudoomiyihii xisbiga mucaaridka ah ee Waddani Cabdiraxmaan Maxamed Cabdilaahi(Ciro) ayaa lays waydiinayaa halka ay ku dambaysay siyaasadii hogaamineed ee xisbigaasi.

    Gudoomiye Cirro oo mudooyinkii ugu dambeeyey aanay shacabka somaliland iyo taageerayaashiisuba ka war hayn halka uu ku sugan yahay ayaa haatan la dareemayaa inay maqan tahay doorkii uu ku lahaa siyaasada dalka iyo hogaaminta xisbiga Waddani ee uu doonayo inuu mar labaad murashax u noqdo.

    Sida ay qabaan siyaasiyiin iyo shacabkuba, waxa muuqata in gudoomiye Cirro uu haatan xagal daaciyey kaalintii uu xisbiga Waddani ku lahaa siyaasada dalka halka dhigiisa hogaamiya xisbiga Ucid mar kasta lagu arko fagaarayaasha kala duwan walow khudbadihiisu u muuqdaan kuwo madadaalo ah.

    gudoomiye Faysal Cali Waraabe oo  gacan hoose oo taageero ah la leh xukuumada ayaa inta badan la isaga oo ka hadlaya fagaarayaal kala duwan isaga oo inta badan jeediya khudbado uu dadka kaga qoslinayo iyada oo shacabkuna u arkaan majaajilayste gabay doorkii mucaaridnimo ee looga baahnaa.

    Balse Gudoomiye Cirro oo haysta taageero badan oo shacabka ah ayaan ka faa,iidaysan fursadaha dhinaca siyaasada ee ilaa hada soo maray waxaana la dareemayaa inuu iska indhatirayo soo bandhigida galdaloolooyinka xukuumada Kulmiye iyo jihada siyaasada dalka lagu hogaaminayo.

    Gaabiska gudoomiye Cirro oo hogaaminaya xisbiga ugu weyn mucaaridka somaliland ayaa keentay in wasiirka arimaha gudaha somaliland Maxamed Kaahin Axmed uu goob fagaare ah kaga dhawaaqo in xukuumada Kulmiye ay tabayso doorkii mucaaridka, hadalkaas oo laga dhadhansanayey inuu meesha ka saaray xisbiyada mucaaridka ah ee Ucid Iyo Waddani.

    warar hoose oo ay hadhwanaagnews helayso ayaa sheegaya in gudoomiye ciro ay mucaaridad adagi kaga furan tahay beesha uu ka soo jeedo iyada oo cadaadis lagu saarayo inuu baneeyo jagada murashaxnimada xisbiga Waddani.

     

    sidoo kale warar laga helayo ilo xogogaal ah ayaa sheegaya in gudoomiye Ciro laftirkiisu uu isku diyaarinayo sidii uu siyaasada uga fadhiisan lahaa marka la eego cadaadisyada lagu hayo iyo gaabiska ku yimid hogaamintiisa xisbiga Wadani

     

     

    marka laysku soo duubo dad badan ayaa iswaydiinaya halka uu ku dambeeyey gudoomiye Cabdiraxmaan ciro ee uu jaan iyo cidhib dhigay, iyada oo la baafinayo doorkii uu ku lahaa siyaasada xisbigiisa iyo ta dalkaba

     

    xigasho hadhwanaag news

     

    Mar 20, 2019, 3:57 am
  • Shirkadda Dahabshiil Group Oo Si Xooggan U Beenisay Eedaha Aljazeera
    Shirkadda Dahabshiil Group Oo Si Xooggan U Beenisay Eedaha Aljazeera
    Shirkadda Dahabshiil Group Oo Si Xooggan U Beenisay Eedaha Aljazeera

    Shirkadda Dahabshiil Group waxay si xooggan isaga fogaynaysaa eedaymaha been abuurka ah ee laanta Carabiga ee telefishanka Aljazeera naga baahisay.

    Waxay baahintani xambaarsanayd eedaymo been abuur ah, kuwaas oo gabi ahaanba ahaa sharaf dil iyo eedaymo ku saabsan ku lug lahaansho arrimo siyaasadeed, eedahan oo u muuqda kuwo ay dabada ka riixayso arrimo la xidhiidha siyaasad degaamaysan (geopolitical reasons).

    Dahabshiil waa shirkad gaar loo leeyahay, waana ganacsi caalami ah, una adeegta bulshada dunida sidaas awgeedna sinaba uguma lug laha siyaasaddo dawladeed, ama kooxaysi siyaasadeed. Ujeedadayada kaliya waa in aanu adeeg fiican u samayno macaamiisha waxna ku celino bahwadaagtayada.

    Dahabshiil lama siinin xuquuqda jawaabta iyo fadcelintayadii intii aanay Aljazeera baahin warbixinta. Haddii ay nala soo xidhiidhi lahaayeen iyada oo ay naga xigtay in ay telefoon noo soo diraan, waxaa laga fogaan lahaa khaladadaadka iyo been abuurka badan ee warbixinta ku jira oo ay heli lahaayeen xogtooda saxda ah.

    Dahabshiil waxay ugu baaqaysa telefishanka Aljazeera in uu ka noqdo eedaha aan sal iyo raad toona lahayn ee ay naga baahiyeen, islamarkaana macluumaadkan waa inay ka saaraan boggagga lagu baahiyay (public domains).

    Wixii Faahfaahin Dheeraad ah Booqo

     

    Mar 20, 2019, 3:26 am
  • Fanaankii Cabdi tahliil oo Xanuun La Ildaran, dawlada farmajana u Joojin wayday
    Fanaankii Cabdi tahliil oo Xanuun La Ildaran, dawlada farmajana u Joojin wayday
    Fanaankii Cabdi tahliil oo Xanuun La Ildaran, dawlada farmajana u Joojin wayday

    Cabdi Tahliil Warsame wuxuu safka hore kaga jiraa fannaaniinta qiimaha mugga weyn ku dhex leh fanka soomaalida, heesihii uu ku luuqeeyey waxay kaalimaha ugu sarreeya kaga jiraan dhageysiga keydka suugaanta ee ay isticmaalaan bulshada soomaalidu.

    Xaaladda caafimaad ee fannaanka Tahliil ayaa sii xumaanaysa waayadan danbe, mana jirin daryeel dhammeystiran oo uu ka helay qaranka.

    Sida lawada ogyahay guud ahaa ma jiraan adeegyo caafimaad oo bilaash ah oo loo sameeyo haldoorka taariikhda ku dhex leh bulshada Soomaalida, maadaama aysan jirin waqtigan Soomaaliya kaabayaal caafimaad oo dowli ah.

    Waxaa soo baxaya warar lagu baahiyay baraha bulshada oo la xariirta xaaladda daryeel ee Tahliil.

    “Cabdi Tahliil mudo dheer ayuu xannuunsan yahay aadmiga waxaa la gudboon dadaal, cafimaadka illaahay ayaa bixiya, waxaan aamin sanahay wax loo reebtay oo dadaal ah in aysan jirin, sariir ayuu saaran yahay walina ma uu caafimaadin”, sidaas waxaa BBC-da u sheegay Abwaan Guure oo kamid ah saaxiibada dhow ee fannaan Cabdi Tahliil.

    Abwaan Guure ayaa sidoo kale sheegay in fannaanka loo qaaday wadamo dhowr ah si loogu soo daaweeyo.

    “Mar waxaa loo qaaday dalka Imaaraatka cafimaad. dawo kamuu soo helin, Nairobi mar ayaa loo qaaday gudahana waxaa u danbeeyey isbitaalka Digfeer, dadweynaha Soomalaiyeed iyo xukumadihii iska danbeeyey dadaal ayay ku bixiyeen si uu caafimaad u helo”, ayuu yidhi.

    Sidoo kale Xamdi Cabdi Tahliil oo uu fannaanka xanuusan aabe u yahay ayaa BBC-da u sheegtay in bulshada Soomaaliyeed iyo xukumadihii dalka soo maray intii uu xannauunsanaa ay garab istaageen dadaalka lagu doonayay in lagu daryeelo fannaanka balse wali uu xannuunsan yahay.

    Taariikh kooban oo ku saabsan Cabdi Tahliil

    Cabdi Tahliil Warsame, sida la hubo wuxuu ku dhashay deegaanka Wardheer sannadkii 1952-kii.

    Sannadkii 1968-kii fannaanku wuxuu ku luuqeeyey heestiisii labaad ee Onkod, taasoo aad u caan baxday.

    Heestan oo ilaa maanta kaalmaha hore uga jirta dookha dadweynaha waxaa u dhiibay Abwaan Axmed Saleebaan Bide.

    Sannadkii 1971-kii wuxuu ka qeyb galay tartankii heesaha hirgalay waxaana ku weheliyay fannaaniin ay ka mid ahaayeen, Cabdulaahi Cumar Xarago, Cabdi Xasan Dige, Cumar Nuur Cabdule iyo Xasan Aadan Samatar.

    Fannaaniintan dhamaantood waxay ku biireen xidigihii kooxdii Hobalada Waabari.

    Kooxihii kale ee uu Tahliil la soo shaqeeyey waxaa ka mid ahaa Kooxdii Danan oo uu kamid noqday hogaankii sare ee kooxdaas.

     

    Mar 19, 2019, 6:01 pm
  • Madaxweynihii hore ee dalka Mareykanka George W Bush ayaa amaanay saameynta ay dadka soo galootiga ah ku leeyihiin waddankiisa
    Madaxweynihii hore ee dalka Mareykanka George W Bush ayaa amaanay saameynta ay dadka soo galootiga ah ku leeyihiin waddankiisa
    Madaxweynihii hore ee dalka Mareykanka George W Bush ayaa amaanay saameynta ay dadka soo galootiga ah ku leeyihiin waddankiisa

    Madaxweynihii hore ee dalka Mareykanka George W Bush ayaa amaanay saameynta ay dadka soo galootiga ah ku leeyihiin waddankiisa, xilli uu khudbad u jeedinayay dadkii dhawaan la siiyay dhalashada Mareykanka.

    George W Bush oo hadda 72 sano jir ah ayaa soo noqday madaxweynihii 43-aad ee Mareykanka waxaana uu xilka hayay intii u dhaxeysay sannadihii 2001-dii ilaa 2009-kii.

    Isagoo hambalyo u jeediyay dadka cusub ee kusoo biiray muwaadiniinta Mareykanka ayuu sheegay in dalku uu mar walba u baahan yahay iyaga oo kale.

    “Wakiillada la doortay ee Mareykanku waxay leeyihiin waajibaad looga baahan yahay inay ku sharciyeeyaan dadka soo galaya waddanka iyo kuwa ka baxaya. Iyadoo la waafaqayo mas’uuliyaddan waxay kaloo na xasuusineysaa in taariikhda dadka soo galootiga ah ee Mareykanka ay naga dhigtay waxa aan nahay maanta”, ayuu yidhi Bush.

    Isagoo hadalkiisa sii wata ayuu sheegay in iyadoo aan sharciga laga soo hor jeedsaneynin haddana qaxootigu ay yihiin dad horumar u horseeday Mareykanka.

    “Xitaa annagoo og in culeys badan uu ka jiro dhinaca nidaamka, waa ineynaan waligeen illoobin in qaxootiga soo galaya uu yahay naxariis iyo awood dheeraad ah”.

    Siyaasigan rug caddaaga ah oo 2 jeer xilka madaxweynaha Mareykanka soo qabtay, ayaa sheegay in dadka muwaadiniinta ah badankood aysan garwaaqsanin in dadkan qaxootiga ah ay noqonayaan madaxda mustaqbalka.

    Bush ayaa Isniintii ka hadlayay munaasabad qarameyn ah oo lagu qabtay mac-hadka George W Bush ee magaalada Dallas ee gobolka Texas.

    Hadalka Mr Bush uu ka yidhi arrimaha soo galootiga ayaa loo arkay mid si weyn dhabar jab ugu ah maamulka madaxweyne Donald Trump, oo horay u qaaday tallaabooyin lagu xakameynayo dadka qaxootiga ah ee galaya Mareykanka.

    Donald Trump ayaa markii uu waday ol’olihiisa doorashadii madaxtinnimada ee 2016-kii waxaa qodobadiisa ugu waaweyn ka mid ahaa in la hor istaago dadka qaxootinimada ku gala dalkaas.

    Markii uu xilka qabtay ayuu soo saaray go’aanno lagu xakameynayo soo galootiga, iyadoo maamulkiisa uu xayiraad kusoo rogay dadka uga imaada dalalka qaarkood.

    Sidoo kale madaxweyne Trump ayaa hadda u xusul duubaya dadaal uu ku doonayo in darbi laga dhiso xadka u dhaxeeya Mareykanka iyo Mexico, arrintaasoo la isku mari la’yahay sidii dhaqaalaheeda loogu qoondeyn lahaa miisaaniyadda Dowladda.

     

    Mar 19, 2019, 5:53 pm