Biyo Guure News

Waraysiyo
Nuxurka Heshiis Ay Wada Gaadheen Hogaamiyeyaasha Itoobiya, Eritrea Iyo Koonfurta Suudaan
Nuxurka Heshiis Ay Wada Gaadheen Hogaamiyeyaasha Itoobiya, Eritrea Iyo Koonfurta Suudaan
2 weeks ago

Hogaamiyeyaasha wadamada Itoobiya, Eritrea iyo koonfurta Suudaan ayaa soo gaba gabeeyey wada hadal ay ku lahayeen magaalada Juba. Raysal wasaaraha Itoobiya Dr Abiy Ahmed, madaxweynaha Eritrea Isaias Afwerki iyo madaxweynaha koonfurta Sudaan  Salva Kiir ayaa falanqeeyey nabada gobolka, dhaqaalaha iyo horumarinta kaabayaasha dhaqaalaha. War laga soo saaray kulamadii u socday […]

  • Nuxurka Heshiis Ay Wada Gaadheen Hogaamiyeyaasha Itoobiya, Eritrea Iyo Koonfurta Suudaan
    Nuxurka Heshiis Ay Wada Gaadheen Hogaamiyeyaasha Itoobiya, Eritrea Iyo Koonfurta Suudaan
    Nuxurka Heshiis Ay Wada Gaadheen Hogaamiyeyaasha Itoobiya, Eritrea Iyo Koonfurta Suudaan

    Hogaamiyeyaasha wadamada Itoobiya, Eritrea iyo koonfurta Suudaan ayaa soo gaba gabeeyey wada hadal ay ku lahayeen magaalada Juba.

    Raysal wasaaraha Itoobiya Dr Abiy Ahmed, madaxweynaha Eritrea Isaias Afwerki iyo madaxweynaha koonfurta Sudaan  Salva Kiir ayaa falanqeeyey nabada gobolka, dhaqaalaha iyo horumarinta kaabayaasha dhaqaalaha.

    War laga soo saaray kulamadii u socday sadexda hogaamiye ayaa lagu sheegay in heshiiska la gaadhay ay ku jiraan mashaariicda ay sadexda wadanba wadaagaan, waxaana wasiirada arimaha dibada ee sadexda wadan iyo hay’addaha kale ee ay khusayso la faray inay sii fudaydiyaan hirgelinta heshiisyada la gaadhay.

    War ka soo baxay xafiiska raysal wasaaraha Itoobiya ayaa lagu
    sheegay in mashaariicda lagu heshiiyey ay kordhinayaan isdhexgalka dhaqaale ee wadamada Itoobiya, Eritrea iyo Koonfurta Suudaan.

     

    Mar 4, 2019, 6:16 pm
  • BBC  Shacabka Jigjiga oo khaati ka taagan arrin halis ah
    BBC Shacabka Jigjiga oo khaati ka taagan arrin halis ah
    BBC  Shacabka Jigjiga oo khaati ka taagan arrin halis ah

    Qaar badan oo ka mid ah dadka ku nool dhulka Dowlad Deegaanka Soomaalida ee dalka Itoobiya ayaa waxa ay ka cabanayaan in deegaanadooda ay ku soo bateen dawooyinka iyo raashinka dhacay.

    Arrimahaasna waxa ay dadka deegaanka u aanaynayaan isbadeladii maamul ee halkaasi ka dhacay dhawr bilood kahor. Isbadelka ayaa waxa uu horseeday in la dabciyo xayiraaddii mudada dheer saarneyd badeecooyinka kasoo gudbaya dhanka Soomaaliya.

    Weriyaha BBC-da ee Jigjiga, Cabdinaasir Sheekh Maxamed Xikam oo booqday isbitaalka Kaaraamardha ee magaalada Jigjiga ayaa buukaankii halkaa joogay waxay u sheegeen in dhibaatooyinka haysta ay u aanaynaayan raashinka iyo dawooyinka dhacay ee deegaankaasi la keeno

    Khadar Abdirisaaq Ahmed waxa isbitaalka keenay hooyadiis oo uu sheegay inay saamaysay dhibaatadan.

    “Xanuunadan awal wey yaraayeen balse hadda waa ay soo bateen, sababta cudduradan keentay ayaa ah inay dadka qaadanayeen daawooyin dhacay iyo cuntadii oo aan jirin cid baaraysa.” Ayuu yiri Khadar Abdirisaaq

    Maxamed Cali Wacays, waxa uu ka mid yahay dhakhaatiirta ka howl gasha isbitaalka Kaaraamardha waxa uuna BBC-da uga warramay arrinkan.

    Waxaa jira sababa badan oo keena cuduradan sida nadaafad darrada, waxaana sidoo kale dhaca inay ciyaalka mararka qaar qaatan daawooyin dhacay ama ay waalidiinta tagaan farmashiyaha iyagoo soo iibsada daawooyin uusan dhakhtarka u qorin.” Ayuu yiri Maxamed Cali.

    Saamaynta ay leedahay qaadashada daawooyinka dhacay ayaa ah kuwa halis ah sida uu dhakhtarka sheegay waxa uuna yiri, “faaiidooyinkii looga baahnaa lagama helo daawooyinka dhacay waxayna horseedaysaa xanuun kale ooh or leh, iyadoo jirka ka dilayso difaaca.”

    Ayaan Cabdi Shukri, oo ah maareeyaha wakaaladda daba galka cuntada iyo daawooyinka ama Tayo-Dhawrka, ayaa BBC-da uga warrantay waxa isbadelka keenay.

    “Lixdii bilood ee u dambaysay waxaa isbadelay habkii ay ku soo galayeen adeegyada sida sharci darrada ah ku soo gala, iyadoo ay jiraan xarumo badan oo aan hadda soo xirnay oo lagu iibinayey raashin iyo cabitaan dhacay.”

    Waxaa hadda magaalada Jigjiga ku soo badanaya cudurro badan oo aysan dhakhaatiirta weli xal u helin.

    Feb 25, 2019, 2:22 pm
  • Nin Isagoon Xidhnayn jaakada xabada Celisa u Badgeedhay in uu Waxkasoo badbaadiyo Hotelka D2 ee qaraxyadu ka dhaceen Kenya
    Nin Isagoon Xidhnayn jaakada xabada Celisa u Badgeedhay in uu Waxkasoo badbaadiyo Hotelka D2 ee qaraxyadu ka dhaceen Kenya
    Nin Isagoon Xidhnayn jaakada xabada Celisa u Badgeedhay in uu Waxkasoo badbaadiyo Hotelka D2 ee qaraxyadu ka dhaceen Kenya

    nayat Kassam oo aan xirneyn jaakadda xabbadda celisa ayaa isagoo bistoolad gacanta ku haysta ka qayb qaatay samatabixinta dhibbanayaasha weerarkii Talaadadii lagu qaaday dhismaha hoteelka Dusit.

    Balse ma aha markii ugu horreysay ee uu u bareero khatarta weerarrada noocan oo kale ah.

    Kassam ayaa ka qayb qaatay badbaadinta dadkii ku xayirnaa Westage Mall, oo la weeraray sanadkii 2013. Wuxuu sheegay inuu badanaa nasiib u yeesho wax ka qabashada xaaladaha adag.

    Mar wax laga weydiiyay haddii uu weligii ka fekeray noloshiisa marka uu ku jiro meelaha khatarta ah ayaa wuxuu Kassam yiri “haa waan ka fekeraa, laakiin waxaa muhiim ah badbaadinta dad badan”.

    Talaadadii, Kassam wuxuu ka mid ahaa dadkii ugu horreeyay ee u guntada badbaadinta boqollaal dhibbane ah.

    Wuxuu haystaa bistoolad sharciyeysan, waana tababare dadka bara sida loo qabto qoriga, gaar ahaanna toogashada dhow.

    Weriyaha Kenyaanka ah Jeff Koinange ayaa bartiisa Twitter-ka ugu yeeray Kassam “geesi dhab ah”

    Kassam wuxuu dhigaa casharro ku saabsan isdifaacidda, kuwaas oo uu siiyo shakhsiyaad iyo hay`adaha ammaanka.

    Waa ninka keliya ee sharciga u haysta tababarka hubka ee ku sugan Afrika, marka laga reebo Koofur Afrika.

    Markii dhawaqa qaraxa iyo rasaasta laga maqlay dhismaha hoteelka Dusit, Kassam ayaa la arkayay isagoo gacan ku haysta bistoolad gacanta kalena ku haya qof uu soo badbaadiyay. Funaanaddiisa waxaa ku yiil dhiig ka soo gaaray dad ku dhaawacmay qaraxa.

    Kooxda Al Shabaab ayaa saacado kaddib sheegtay mas`uuliyadda weerarka. Si ka duwan weerarkii Westgate oo qaatay in ka badan afar maalmood, soo afjaridda weerarka hoteelka Dusit ayaa qaatay wax ka yar intaas.

    Jan 17, 2019, 10:53 am
  • Xukuumada Somaliland oo Amaro Culus  fartay Shirkadaha Diyaaradaha qaarkood
    Xukuumada Somaliland oo Amaro Culus fartay Shirkadaha Diyaaradaha qaarkood
    Xukuumada Somaliland oo Amaro Culus  fartay Shirkadaha Diyaaradaha qaarkood

    Xukuumadda Somaliland ayaa Warqad digniin iyo amar iskugu jirta u qaybisay dhamaan Xafiisyada ay magaalada Hargeysa ku leeyihiin Shirkaddaha Duulimaadayada Diyaaradaha ka shaqeeya,waxaana warqadaasi hoosta kaga saxeexnaa Mareeyaha Hay’adda Duulista Somaliland Cabdi Maxamed Rodol.

    Warqaddan oo Wargeyska Foore helay ayaa waxa ay daba socotaa Wareegtadii dhawaan kasoo baxday Xafiiska Madaxweyne Muuse Biixi Cabdi ee uu shaqada kaga joojiyay qaar ka mid ah Shirkaddihii dadka gaarka ahi lahaayeen ee ka hawlgalayay Madaarka Cigaal ee Magaaladda Hargeysa,waxaana sida ku cad Nuxurka Warqaddan loo qaybiyay dhamaan Xafiisyada ay Shirkadaha Duulimaadka ka shaqeeyaa ay ku leeyihiin Magaalada Hargeysa ,waxaana looga digay inay wax lacag ah siiyaan Shirkaddii ka shaqayn jirtay amniga Madaarka Cigaal ee Marka magaceeda la soo gaabiyo loo yaqaanay S.R.M,waxa sidoo kale Warqadaasi si gaar ah hoosta looga xariiqay inaanay shirkadaha Duulimaadyadu siinin wax lacag ah shirkaddaasi,hadii ay tahay lacag hore iyo haddii ay tahay lacag Cusub toona,waxaana looga digay in shirkaddii amarmmaasi burisaa ay iyadu Masuuliyaddeeda qaadi doonto.

    Warqaddan ayaa u dhignayd sidan “Anagoo Tix raacayna Wareegtadii Madaxweynaha ee ku taariikhaysnayd 11/08/2018 ee Sumadeedu tahay JSM/XM/MW/222-178/082018, sidaa darteed waxaa la idin farayaa maanta oo ay taariikhdu tahay 12/08/2018, inaad ka joojisaan shirkada S.R.M Lacagtii ay qaadan jirtay ee Security Charges-ka,Lacagtaasi oo saaran Tigidha aad qabataan”. Waxa Lagu sii yidhi sidan“Shirkadda Ku wareejisa Wax lacag ah Shirkada S.R.M, ha noqoto lacag hore ama mid Cusub,iyada ayaa ka masuul ah illaa inta ay Xisaabtamayaan Shirkadda S.R.M iyo Hay’adda Duulistu”. Sidaa waxa lagu yidhi Warqaddan oo Qoraal ah oo uu ku saxeexan yahay Mareeyaha Hay’adda Duulista Somaliland Cabdi Maxamed Rodol.

    Aug 16, 2018, 5:01 pm