Deni oo kashifay Sirro badan & Wejigii Qarsoonaa ee Farmaajo,Kana baqay in Villa Somalia Raashinka Sun ugu darto

0

Madaxweynaha maamul goboleedka Puntland Saciid Cabdullaahi Deni ayaa sheegay in aysan wax farqi ah u dhaxeyn Al-Shabaab iyo madaxdweynaha xilkiisa dhamaaday ee Soomaaliya Maxamed Cabdullaahi Farmaajo.

Saciid Deni oo arrimo badan kafishay ayaa si cad u shaacay in Farmaajo uu ku qabsaday sababta ay ula kulmeen siyaasiyiinta iyo madaxdii hore ee dalka, maadaama buu yiri aan aniga idiinku casuumay Muqdisho.

“Markii aan Xamar tagnay wuxuu Farmaajo nagu qabsaday aniga iyo Axmed Madoobe maxaad ula kulanteen siyaasiyiinta iyo odayaasha Hawiye, anigaa idiin casuumay, haddaanu imid caasimadii dalka, oo weliba ha la is xantee qabaa’ilka Hawiye xuduntiisa tahay, ma waxaa leedahay ha arkinina, oo ha-kala xaajoojina xalka Soomaaliya iyo dadka Soomaaliyeed aanu kala irdhoobin, waxaan iri taasi suuragal ma ahan,” ayuu yiri Madaxweyne Saciid Deni.

Mar uu ka hadlayay aaminaada lagu qabo in kulan looga arrinsanaayo arrimaha doorashada iyo xal u helida mushkilada taagan oo lagu qabto Muqdisho, Deni waxa uu sheegay inaysan jirin aaminaad ay ugu qeyb galaan maadaama taliska Farmaajo aan la aamino karin, sida uu yiri.

Deni ayaa sheegay in xitaa marka ay tagaan Villa Somalia ay ka baqi jireen in raashinka sun loogu daro, sida uu hadalka u dhigay.

Waxa uu ku tilmaamay inay la mid yihiin kooxda argagixisada Al-Shabaab oo aysan waxba ugu duwaneyn, isagoona muujiyay in Shabaab iyo Farmaayo aan la kala saari karin, sida uu hadalka u dhigay.

“Al-Shabaab miyaan ka baqnaa mise Villa Somalia, sababtoo ah waxyaabaha ay adeegsanayaan wax farqi ah uma dhaxeeyaan, mar walbana khatar ayaan ku jirnaa,” ayuu yiri madaxweynaha Puntland Saciid Deni.

Saciid Deni ayaa cod dheer ugu baaqay shacabka Soomaaliyeed in ay ugu horyimaadaan in wadanku ku laabto nidaamkii kali-talisnimo ee laga soo gudbay 30 sano ka hor, iyadoo laga fogaanaayo qabiileysi iyo in dalku dib ugu laabto burbur iyo nidaam daro.

Deni oo kashifay Sir badan &Wejigii Qarsoonaa ee Farmaajo+Shan Xaqiiqo

Madaxweynaha Puntland Siciid C/llaahi Deni ayaa khudbad dheer caawa ka jeediyey magaalada Garowe, isagoo si aan qarsoodi ahayn bannaanka usoo dhigay xaalada dalka, shaqsiyadda Madaxweynaha xilkiisu dhamaaday ee Maxamed C/llaahi Farmajo iyo halista Soomaaliya soo wajaday xilligan.

Siciid Deni wuxuu si faahfaahsan uga hadlay qaabka uu u fekerayo Farmaajo ee ah inuu qabto doorasho uu isagu kusoo baxo, dalkana uu xoog ku heysan karo, una sameysay ciidamo iyo dad xoogaga wadaniyiin ah oo taageersan, wuxuuna ka digay inay Soomaaliya halis ugu jirto dagaal sokeeye.

Khudubadda oo socotay muddo ka badan hal saac ayuu Siciid Deni si qayaxan bannaanka usoo dhigay dhacdooyinkii uu u soo joogay ee dhex maray isaga iyo Farmaajo, wuxuuna qaawiyey hadallo labadooda dhex maray oo qarsoonaa.

Qodobadda muhiiimka ah ee Siciid Deni khudabdiisa ku jia waxaa ka mid ahaa:

1- In Farmaajo qorsheystay inuu dalka xoog ku qabsado, kuna sii joogo xukunka, isagoo sheegay inuu heysto: Ciidan, Lacag iyo Wadaniyiin u daacad ah.

2- Inuusan rabin Doorasho sax ah oo dalka ka dhacda, ee mar waliba sameynayey wax aan macquul ahayn si waqtiga loo dhammeeyo, markii ugu danbeysayna uu ku dhegay Magaalada Garbahaarey.

3- In Maxamed C/llaahi Farmaajo uu dhisay ciidamo isaga u daacad ah (Haramcad iyo Gorgor) oo aan marna dagaal la gelin shabaab ee uu isagu adeegsado, ayna weerarro k fuliyeen Galmudug, Gedo iyo Daljirka Dahsoon.

4- In Dalku halis ugu jiro inuu dagaal sokeeye ku laabto, iyadoo Beesha caalamka aanay wax badan kala socon.

5- In Puntland aanay qeyb ka noqon doonin halista Farmaajo, ayna si Alshbaab iyo maamulka Farmaajo waxba ku kala duwaneyn.

Madaxweynaha Puntland wuxuu kashifay in Farmaajo ay dad kasoo jeeda Hawiye ay kala shaqeynayaan sidii uu dalka xoog ugu maamuli lahaa, ayna halistu tahay inuu dalku ka rido dagaal sokeeye.